web counter
LEXO PA REKLAMA!

SHKARKO APP

App Store
Google Play

E fundit!

x

“Shkundet” Policia, priten emërimet e reja/ “Furtuna” Rrumbullaku do të zbarkojë në komisariate

14 Dhjetor 2022, 10:46, Aktualitet CNA

“Shkundet” Policia, priten emërimet e reja/

Një ditë më parë CNA. al ka raportuar për lëvizjet në Policinë e Shtetit.

Drejtori i Përgjithshëm i Policisë, Muhamet Rrumbullaku, ka firmosur një sërë ndryshimesh në postet drejtuese.

Lëvizjet janë bërë kryesisht në Tiranë.

Ndërkohë që priten të bëhen emërimet dhe të zyrtarizohen nga numri një i Policisë, Muhamet Rrumbullaku.

“Furtuna Rrumbullaku” nuk do të ndalojë me postet drejtuese, por do të vijojë edhe në komisariate.

Lëvizjet në Polici

Lorenc Paganika ka lëvizur nga Tirana, ku ka mbajtur postin e drejtorit të Drejtorisë Vendore, duke shkuar në Akademinë e Policisë.

Tonin Vocaj është emëruar drejtor i Policisë së Tiranës, ndërsa zëvendësdrejtor i Përgjithshëm i Policisë është emëruar Sokol Bizhga.

Në krye të Policisë së Shkodrës, është emëruar Ervin Hodaj, i cili më herët ka mbajtur postin e Drejtorit të Policisë së Tiranës.

Nga ana tjetër, Niko Brahimaj është emëruar drejtor i Policisë së Fierit, ndërkohë më herët ka qenë pjesë e Policisë Shkencore.

Ermal Muça është larguar nga Korça, ku ka mbajtur postin e zëvendësdrejtorit të Policisë së Korçës, duke u transferuar në Vlorë, si drejtor i Policisë së Vlorës.

Një tjetër lëvizje është ajo e Hamdi Fjoras, i cili më parë ka qenë drejtor i Policisë së Shkodrës. Fjora ka zëvendësuar Sokol Bizhgën, duke u vendosur në krye të Operacionales.

Lutfi Minxhozi është emëruar drejtor për Marëdhëniet Ndërkombëtare, ndërsa Gent Ndoj emërohet drejtor i Krimit Ekonomik në Drejtorinë e Përgjithshme./CNA.al





Lajmet e fundit nga