LEXO PA REKLAMA!

SHKARKO APP

Anulohen 10 fluturime/ TIA zbulon shkakun

13 Dhjetor 2022, 19:57, Aktualitet CNA
Anulohen 10 fluturime/ TIA zbulon shkakun
Aeroporti Ndërkombëtar i Tiranës

CNA.al ka raportuar ditën e sotme për problemet me udhëtimet e kompanisë “Wizz Air”.

Tre udhëtimet me destinacionet Tiranë- Eindhoven, Tiranë-Piza dhe Piza-Tiranë janë anuluar nga kompania “Wizz Air”, e cila nuk ka dhënë shpjegime të qarta për pasagjerët.

Por pak më parë, ka reaguar Aeroporti Ndërkombëtar i Tiranës (TIA). TIA njofton anulimin e 10 fluturimeve për shkak të motit të keq.

TIA deklaron se disa pasagjerëve u është ofruar mundësia e rimbursimit ose janë rregulluar në fluturime për destinacionet përkatëse.

Sipas TIA-s, flururimet ajrore të anuluara kanë qenë të linjave ajrore si “Wizz Air”, “Pegasus”, “Air Albania” dhe “Lufthansa”.

“Aeroporti Ndërkombëtar i Tiranës bën të ditur se 10 fluturime janë anuluar për shkak të kushteve të këqija atmosferike.

 Sipas politikave përkatëse të linjave ajrore, disa nga pasagjerët, fluturimet e të cilëve janë anuluar ose janë devijuar në një aeroport tjetër (Shkup, Athinë, Stamboll, Bari, Venecia) janë akomoduar në hotelet përreth këtyre aeroporteve ndërkombëtare. Wizz Air ka siguruar edhe transportin e pasagjerëve nga Aeroporti Ndërkombëtar i Shkupit në Tiranë.

Disa pasagjerëve u është ofruar mundësia e rimbursimit ose janë rregulluar në fluturime për destinacionet përkatëse.

Gjashtë avionë të Wizz Air janë ulur në aeroportin e Shkupit për shkak të mjegullës, ndërsa një fluturim Luton-Tiranë është anuluar për shkak të borës në Londër.

Moti i keq ka prekur edhe fluturimet e linjave të tjera ajrore si Pegasus, Air Albania dhe Lufthansa. Situata pritet të normalizohet ditën e mërkurë me datë 14.12.22.

Për më tepër, vizitoni faqen zyrtare të TIA-s për informacionin e fluturimit në kohë reale dhe kontaktoni linjën ajrore për detaje të mëtejshme”, thuhet në reagimin e TIA-s./ B.A. – CNA.al

Lajmet e fundit nga