web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet famozi, Henri Çili

17 Prill 2023, 10:49, Aktualitet CNA
Rikthehet famozi, Henri Çili
Henri Çili

Njeriun, i cili qëndroi si servil i pushtetit të Sali Berishës, më pas një shërbëtor i Edi Ramës, e gjen të pandalur në krah të Lulzim Bashës. Ky është gazetari, politologu, analisti dhe i prangosuri nga policia për 6 vepra penale, për skandalin e ndërhyrjes për lirimin e një të arrestuari në Gjykatën e Lartë për çështjen "Lazarati".

Henri Çili është rikthyer me gjithë bëmat dhe gjëmat e tij që mban mbi supe. CNA ka mësuar se Çili do të jetë njeriu që do të drejtojë fushatën elektorale të Enkelejd Alibeajt.

Pra, "truri" elektoral i Partisë Demokratike të kryetarit të komanduar Enkelejd Alibeaj do të jetë pikërisht Henri Çili, i cili gjithashtu do të drejtojë fushatën e Roland Bejkos në Tiranë.

Rikthehet famozi, Henri Çili
Roland Bejko

Duke qenë se Henri Çili ndërhyri në Gjykatën e Lartë apo kërkoi para për të liruar një person në lidhje me çështjen "Lazarati", ka zgjedhur pikërisht lazaratasin Roland Bejko për t'i treguar strategjinë elektorale.

Zakonisht ata që konsulton Henri Çili humbasin dhe humbasin turpshëm. Kështu ka ndodhur me doktor Halim Kosovën, kështu ka ndodhur me Andrea Manon në Korçë, kështu ka ndodhur me kandidatët e tjerë që ka mbështetur Çili. I vetmi sukses i Çilit në politikë është ngritja e Grida Dumës dhe Ervin Salianjit.

E para çau me shpatë në dorë, i dyti çau me babalizëm.

Rikthehet famozi, Henri Çili

Por tani ka ardhur radha që Çili të kthehet në skenën politike dhe të përdorë strategjitë e tij elektorale kundër Erion Veliajt dhe kundër Belind Këlliçit.

Në fakt, edhe pse dikur ka qenë një armik me Veliajn, Henri Çili është kthyer në një nga njerëzit që sërish po i shërben kryebashkiakut në detyrë duke i ndihmuar të përçajë të djathtën dhe për të maksimalizuar votat e Roland Bejkos, çka do të bënte uljen e peshës elektorale të Belind Këlliçit dhe do të jepte më shumë qetësi dhe një fitore më të sigurt kryebashkiakut në detyrë./ CNA.al

 





Lajmet e fundit nga