E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Servili i vitit”, Henri Çili/ Spërdredhja e njeriut me dosje në drejtësi

25 Dhjetor 2021, 11:16, Aktualitet CNA

?Servili i vitit?. Ky do të ishte çmimi që do t?i shkonte për shtat Henri Çilit, njeriut i cili njihet për një sërë bëmash.

Njeriu i cili ka përfunduar edhe në qeli, i akuzuar nga Prokuroria, për veprat penale, mashtrim, falsifikim, fshehje të të ardhurave apo edhe për ndikim të paligjshëm, nuk i ndal spërdredhjet.

Madje duket se i ka praktikë dredhjet dhe sot, i thur elozhe Lulzim Bashës, kryetarit të shkarkuar të Partisë Demokratike.

Në median e tij, gazetën ?Liberale?, Çili shpall Lulzim Bashën si njeriun e vitit.

Duke i thurur lavde për shkatërrimin e Opozitës, ai i kërkon largimin e Bashës nga PD dhe krijimin e ?Partisë Liberale?.

?Vendimi për ta kthyer partinë në rrugën institucionale, hyrja në zgjedhje i vetëdijshëm për atë që e ka cilësuar si shitblerje industriale të votave, rikonfirmimi në krye të demokratëve e deri te përjashtimi i Sali Berishës nga grupi parlamentar. Megjithëse PD nuk siguroi dot votat për të ardhur në pushtet, ky vit ishte padyshim i Lulzim Bashës. Pas tetë viteve në krye të Selisë Blu, ai arriti ta thyejë dualizmin dhe të fitojë staturën e vërtetë prej lideri?, shkruan Çili.

Kjo është spërdredhja e radhës e Henri Çilit.

Nëse risjellim në vëmendje vitin 2013, kur në mediat e tij shpalli, Edi Ramën, njeriun e vitit.

?Bie dakord që vitit 2013 ishte një vit i Edi Ramës. Ky vit kurorëzoi një objektiv të tij madhor për të qenë kryeministër i Shqipërisë, duke e vënë atë në provë se çfarë mund të falte dhe çfarë mund të flakte nga vetja e vet, për t?u bërë i tillë.

Me një vendosmëri personale, ai mbajti të tendosur opozitën kundër pushtetit, qysh një javë pas zgjedhjeve të vitit 2009 dhe nuk u deinkurajua nga koalicioni i Berishës me Ilir Metën. Ai e ktheu lëvizjen opozitare në një lëvizje të strukturuar politike, kundër sistemit të vlerave të vitit 2009, standardit të keq të zgjedhjeve, shijes së hidhur të koalicionit dhe represionit të Berishës mbi individualitete opozitare. Ai arriti në një farë mënyre t?i jepte kauzë luftës dhe dëshpërimit që mbillej nga pangopësia dhe arroganca e Sali Berishës, shkruante në 2013?, shkruante Çili në vitin 2013./E.S-CNA.al

Premtoi se do i nxirrte të birin nga burgu/ Henri Çili dyshohet se i mori para e prona babait të të dënuarit përjetë

Gjashtë akuzat e prokurorisë/ Henri Çili thyen heshtjen për mediat

Intrigat e Bashës/ Kush është “banda” mediatike që sulmon demokratët

Ekskluzive-Perëndon epoka e Henri Çilit/ UET drejt shitjes, banka i merr pronat

Imoraliteti publik dhe abuzimi mediatik i Henri Çilit

Në burg Henri Çili, apo prokurori i çështjes?!