web counter
LEXO PA REKLAMA!

SHKARKO APP

App Store
Google Play

Në vigjilje të Krishtlindjes/ Meta vlerëson me dekoratën “Nënë Tereza”,Imzot George Frendo

24 Dhjetor 2021, 17:03, Aktualitet CNA

Në vigjilje të Krishtlindjes, presidenti Ilir Meta ka vlerësuar me dekoratën e lartë ?Nënë Tereza?, një prej personaliteteve më të shquara të Kishës Katolike në Shqipëri, Imzot George Frendo.

Meta shprehet falenderues dhe mirënjohës për të gjithë shërbesën e tij të vyer 25-vjeçare dhe  mbi të gjitha për dashurinë e madhe që ka treguar për Shqipërinë dhe shqiptarët.

?Sot, në vigjilje të Krishtlindjes, pata kënaqësinë e veçantë, që me praninë e të gjithë udhëheqësve të komuniteteve tona fetare, të vlerësoj me Dekoratën e lartë ?Nënë Tereza?, një prej personaliteteve më të shquara të Kishës Katolike në Shqipëri, Imzot George Frendo.

Përjetësisht mirënjohës dhe falenderues, për të gjithë shërbesën e tij të vyer njëzetë e pesëvjeçare në vendin tonë, mbi të gjitha për dashurinë e madhe që ka treguar për Shqipërinë dhe shqiptarët, gjithmonë në shërbim me përulje për më të varfërit dhe shtresat në nevojë, duke i apeluar fort shoqërisë, autoriteteve dhe politikës, që të dëgjojnë zërin e tyre dhe të vendosin të mirën e përbashkët mbi interesat personale, duke menduar për vendin dhe qytetarët.

Zemra e madhe e Imzot Frendos ka ndryshuar dhe ka ngrohur jetën e shumë familjeve dhe njerëzve të thjeshtë.

Ky shembull i jashtëzakonshëm përkushtimi ndaj nevojtarëve, na kujton Shenjtoren tonë të madhe dhe të gjithë njerëzimit Nënë Tereza, ndaj edhe vlerësimi i sotëm me këtë emër të madh, është mirënjohja e merituar, që kemi ndaj Imzot George Frendo?, shkruan presidenti Ilir Meta./ A.E-CNA.al





Lajmet e fundit nga