web counter
LEXO PA REKLAMA!

SHKARKO APP

App Store
Google Play

Publikimi i të dhënave personale/ Ja sa Ferrari, Lamborghini, Bentley e Rolls Royce ka në Shqipëri

24 Dhjetor 2021, 18:38, Aktualitet CNA

Skandali i publikimit të të dhënave personale të qytetarëve ka vijuar sot me shpërndarjen e databazës së targave të automjeteve të të gjithë shoferëve dhe kompanive në Shqipëri. Lista e re e përhapur sot në rrjetin ËhatsApp përmban të dhënat personale të rreth 530 mijë qytetarëve të cilët zotërojnë një automjet.

Në këtë databazë nuk mungojnë dhe të dhënat e kartës së identitetit, emër mbiemër të qytetarit që e zotëron atë. Po ashtu në këtë databazë janë dhe numri i makinave që disponojnë të gjithë kompanitë në Shqipëri që në total janë rreth 61 mijë.

Kjo databazë ka dhe disa të dhëna interesante, përsa i përket numrit të makinave luksoze që kanë hyrë në Shqipëri dhe që janë regjistruar në vendin tonë.

Sipas të dhënave zyrtare, në Shqipëri rezultojnë të jenë regjistruar 16 makina luksoze ?Ferrari?.

Po ashtu bie në sy se në vendin tonë janë në përdorim 37 Bentlley dhe 8 makina Rolls-Royce. Lista e makinave luksoze vijon me 45 Lamborghini dhe 48 makina Maserati.

Trendi janë bërë dhe dy makinat që përdor kryeministri Rama, Cadillac-u i mëparshëm dhe GMC që përdor aktualisht.

Në Shqipëri figurojnë rreth 151 makina Cadillac dhe 49 makina amerikanë GMC.

Ajo që bie në sy është fakti se ndër makinat më të përdorura në vendin tonë është Mercedes Benz me 89 087 mjetë të regjistruara.

Po ashtu figurojnë dhe 25 311 Audi në gjithë vendin.





Lajmet e fundit nga