web counter
LEXO PA REKLAMA!

SHKARKO APP

App Store
Google Play

E fundit!

x

Henri Çili fillon intrigat kundër Ramës/Ja si e urdhëron deputetin e tij

21 Gusht 2017, 18:52, Aktualitet CNA

Botuesi Henri Çili duket se ka nisur intrigat kundër kryeministrit Edi Rama. Çili njihet si një mbështetës i ?flaktë? i Ramës, që pas uljes së këtij të fundit në karrigen kryeministrore, në vitin 2013. Para se t?i shprehte ?dashuriën? kryeministrit Rama dhe të kalonte në mbrojtje të tij, Henri Çili ishte një mbështetës i kreut të Partisë Demokratike, Lulzim Basha, dhe ?luftoi? fort që ai të bëhej kryetar i Bashkisë Tiranë.

Ai tradhtoi mbështetësin e asaj kohe dhe për interesa korruptive e klienteliste kaloi paturpësisht në mbrojtje të Edi Ramës, por duke lënë gjurmë në PD, të cilat u shfaqën dukshëm më shumë se kurrë këtë vit. Lulzim Basha iu dha mjaft terren dhe hapësirë mbështetësve dhe klanit të Henri Çilit në PD, teksa një pjesë të tyre i përfshiu në listën e tij personale të kandidatëve për deputetë, duke i lënë në vende fituese. Në këtë mënyrë, çeta e Çilit ka ?pushtuar? më shumë se kurrë më parë partinë opozitare më të madhe në vend, ku nga shtatori do të përfaqësojnë vendin, por para së gjithash partinë e tyre, në Parlament.

Me këtë shpërblim që i bëri Basha, Henri Çili duket të ketë mbetur jo pak i kënaqur, ku tashmë ka nisur intrigat ndaj Ramës dhe sinjalet e para për këtë i dha një ditë më parë.

Një intervistë e deputetit të zgjedhur të Partisë Demokratike në Shkodër, Romeo Gurakuqi, pjesë e klanit të Henri Çilit në PD, tërhoqi jo pak vëmendje dje në media.

Gurakuqi fliste për kompromis mes pozitës dhe opozitës, duke shënjestruar direkt kryeministrin Edi Rama, teksa shkruan në analizën e tij se qeveria e re e kompromisit të mos drejtohet prej tij, por nga një figurë e mirëfilltë intelektuale, progresiste dhe reformatore me një mandat të kufizuar.
Më tej, deputeti i ri demokrat propozonte disa skenarë të mundshëm për përmbushjen e reformave të rëndësishme që vendi duhet të ndërmarrë, teksa sulmonte ashpër Edi Ramën, duke e cilësuar atë si kryeministër të rrëmujës antiliberale dhe duke kërkuar largimin e tij.

Në fakt, u bënë disa muaj që sulme ndaj Ramës nuk kemi dëgjuar as nga vetë kryetari i Partisë Demokratike, Lulzim Basha. Ky i fundit harroi të gjitha sulmet, kauzat e tij, demokratët, pas mbrëmjes së vonë të 18 majit, kur u mbyll në dhomë me kryeministrin Edi Rama dhe arriti marrëveshjen me të. Prej asaj dite, Basha ?kyçi? gojën, doli në fushatën zgjedhore të 25 qershorit si lideri më i gënjeshtërt, ku askush nuk e dëgjoi të thotë asgjë për Ramën, ndryshe nga sa kishte folur e premtuar në çadrën e protestës, hartoi një listë qesharake dhe mori rezultatin katastrofik.

Tashmë, krejt papritur deputeti i tij del dhe sulmon Ramën, duke kërkuar deri dhe largimin e tij. Të jetë ?kurdisur? nga Basha?! Vështirë të besohet! Në fakt, pas kësaj deklarate fshihet Henri Çili, i cili ka filluar të urdhërojë sulmet ndaj Ramës, duke përdorur klanin e tij në PD.

Intrigat e Çilit nisën nga Shkodra, me deputetin e tij Romeo Gurakuqi, tashmë të presim e të shohim nëse deputetët e tij do godasin edhe nga qytetet e tjera. CityNeës ka raportuar edhe më parë për çetën e Henri Çilit në PD, që këtë vit Lulzim Basha i shpërbleu jo pak, duke i futur në Parlament. Nga jugu në veri, Partia Demokratike mban në strofullën e saj një numër të madh Çilistës, të cilët tani me urdhër të ?kryekomandantit? Henri kanë filluar intrigat e sulmet ndaj kryeministrit Edi Rama./CityNews

Ja çeta e Henri Çilit në listat e PD





Lajmet e fundit nga