E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Çfarë do të thotë roli i ri i Shqipërisë në OKB?

5 Shkurt 2022, 18:07, Aktualitet CNA

Departamenti i Shtetit ka konfirmuar se SHBA dhe Shqipëria do të jenë bashkëpenëmbajtëse (co-penholders) në Këshillin e Sigurimit të OKB për çështjen e Ukrainës tha Kryeministri, Rama gjatë një konference për mediat.

Ai e cilësoi këtë si ?një përgjegjësi të madhe? të Shqipërisë në fushën e marrëdhënieve ndërkombëtare dhe e afron më shumë me SHBA.

?Është pa diskutim një përgjegjësi e re dhe shumë e madhe, por dhe një konfirmim i padiskutueshëm i një Shqipërie krejt tjetër në arenën ndërkombëtare?, tha Rama.

Sipas Ramës, Shqipëria vlerësohet si një vend që promovon paqen, sigurinë, duke iu referuar rolit në rajonin e Ballkanit Perëndimor.

Shqipëria është anëtare e përkohshme e Këshillit të Sigurimit në OKB për periudhën Janar 2022 ? Janar 2023.

Rama tha se pozicioni i Shqipërisë është që tensioni Ukrainë-Rusi të zgjidhet përmes bisedimeve.

?Shqipëria është shumë e qartë në pozicionin e vet, nuk ka pasur asnjëherë asnjë ekuivok, por në atë modestinë e peshës sonë në këtë përballje elefantësh, ne sidoqoftë ruajmë të drejtën të themi bisedime, bisedime, bisedime?, tha kryeministri.

Rama tha se Shqipëria nuk ka asnjë problem në marrëdhëniet me Rusinë, duke thënë se nuk është një ?vend armik?.

Për bashkëpunimin SHBA-Shqipëri në OKB, ka reaguar dhe ambasadorja Yuri Kim, e cila thotë se ?agresioni rus po kërcënon rendin ndërkombëtar?.

Bashkëpenëmbajtës quhet bashkëpunimi mes një vendi anëtar të përhershëm në Këshillin e Sigurimit në OKB dhe një vendin jo të përhershëm.

Për herë të parë në realitet një bashkëpunim i tillë u arrit nga bashkëpunimi i Mbretërisë së Bashkuar që është anëtare e përhershme me Gjermaninë, anëtare jo e përhershme, për çështjen e Libisë dhe Sudan në 2019.

Gjatë 2020 asnjë nga anëtarët e përkohshëm nuk kërkoi një bashkëpunim të tillë në Këshillin e Sigurimit në OKB.

Thënë ndryshe, roli i ri i Shqipërisë ka të bëjë me organizimin e brendshëm të Këshillit të Sigurimit në funksionimin e grupeve dhe nëngrupeve.

Aktualisht, Shqipëria përmes ambasadorit të saj Ferit Hoxha është e angazhuar në çështje që kanë të bëjnë me Irakun, Libanin dhe Jemenin.

Për çështjen e Ukrainës, pas diskutimeve në Këshillin e Sigurimit u caktua që penholders të ishte SHBA, dhe pas kësaj kjo e fundit përfshiu Shqipërinë si co-penholders.

Penholders është një term informal i përdorur për t?iu referuar një personi që ndihmon në hartimin e dokumenteve për çështje të caktuara.

Shqipëria është për herë të parë në historinë e saj pjesë e Këshillit të Sigurimit në Organizatën e Kombeve të Bashkuara, 66 vjet pas anëtarësimit.

Në qershor 2021, Asambleja Parlamentare e OKB-së miratoi me 175 vota nga 117 që ishin të nevojshme që Shqipëria të bëhej pjesë e Këshillit të Sigurimit.

Përveç Shqipërisë, si vend i përkohshëm në Këshillin e Sigurimit në OKB u zgjodhë dhe Gana me 185 vota, Gaboni 183, Brazili 181 dhe Emiratet e Bashkuara 179 vota.

Të pesë vendet garuan pa kundërshtarë për të qenë pjesë e trupës prej 15 anëtarësh, që ka si detyrë kryesore forcimin e paqes dhe sigurisë ndërkombëtare.

Shqipëria bashkë me katër vendet e tjera do të zëvendësojnë Estoninë, Nigerin Saint Vincent dhe Grenadines, Tunizinë dhe Vietnamin.

Por, edhe pse garuan ka rivalë, vendet pretendente do të duhej të siguronin mbështetjen e më shumë se 2/3 e votave në Asamblenë e Përgjithshme të OKB-së.

Shqipëria u pranua si vend anëtar i OKB-së në 14 dhjetor 1955.

Këshilli i Sigurimit është i vetmi organ i OKB që mund të vendosë ligjërisht sanksione dhe autorizojë përdorimin e forcës.

Pesë vendet e përhershme anëtare janë SHBA, Britania e Madhe, Francë, Kinë dhe Rusi kurse 10 vendet e tjera anëtare janë me një mandat 2-vjeçar./euronews