web counter
LEXO PA REKLAMA!

SHKARKO APP

App Store
Google Play

E fundit!

x

Sot, Pashkët Ortodokse/ Urimet e politikanëve për besimtarët

16 Prill 2023, 13:32, Aktualitet CNA

Sot, Pashkët Ortodokse/ Urimet e politikanëve për

Besimtarët ortodoksë festojnë sot ditën e Pashkëve, një festë e rëndësishme për besimin ortodoks.

Me shprehjen "Krishti u ngjall" qytetarët kanë uruar njëri-tjetrin duke lutur për ditë të bardha dhe më të mira në vijim.

Urimet nuk kanë munguar as nga politikanët të cilët kanë nisur herët në mëngjes.
Kreu i PD-së, Sali Berisha dhe kreu i PL-së, Ilir Meta kanë shprehur urimet më të përzemërta që ditën e djeshme duke uruar një Pashkë të begatë për besimtarët ortodoksë.

"Gëzuar Pashkët!
Të dashur miq, besimtarët ortodoks shqiptar festojnë sonte Pashkën, Ngjalljen e Krishtit Mbret, Hyjit të përjetshëm dhe burrit që me mësimet e tij formësoi moralin e qytetërimit perëndimor. Pashka frymëzon tek besimtarët e zotit, shpresë, besim dhe paqe.
Ndaj dhe le të urojmë nga zemra dhe të lutemi bashkarisht që Pashkën që vjen shqiptarët të kenë shpëtuar nga monizmi dhe të jenë shëruar nga të këqijat e tij. Gëzuar!", shkruan në facebook Berisha.

"KRISHTI U NGJALL! VËRTET U NGJALL!
Gëzuar Pashkën e Madhe të gjithë besimtarëve ortodoksë, me shumë shëndet, mbarësi dhe gëzime në familje!
Drita që kurrë nuk perëndon e kësaj Feste të Shenjtë, le të na ndriçojë mendjet, të na ngrohë zemrat dhe të ndezë shpresën për ditët më të mira, që shumë shpejt do të vijnë!", shkruan Meta.

Ndërkohë mëngjesin e sotëm ka qenë presidenti Bajram Begaj, ka uruar mbarë shqiptarët nëpërmjet rrjeteve sociale, por edhe nga Katedralja e Korçës.

"Uroj për të gjithë shqiptarët, që kjo pashkë ardhtë e mbarë, e bardhë dhe drita e saj ndriçon, mendjen dhe zemrat e tyre. Gëzuar Pashkët', është shprehur ai.

Ndërkohë që edhe kryeministri Edi Rama ndonëse me një fjali ka uruar shqiptarët për Pashkë të begatë.
Pashkët i ka uruar edhe kryeparlamentarja, Lindita Nikolla.

"Ringjallja e Krishtit, një dritë e hareshme që treti errësirën, largoi pikëllimin dhe lajmëroi një fillim të ri.
Festa e Pashkëve zgjon ëndrrat, ndihmon besimtarët, na ndihmon të gjithëve, për të kapërcyer vështirësitë, mundur lodhjen, korrigjuar dobësitë njerëzore, larguar pesimizmin, frikën, urrejtjen dhe përqafuar besimin, kurajon, ëmbëlsinë njerëzore.
Festa e Pashkëve na ngjit në malin e lartë të humanizmit, përkushtimit, dashurisë.

Gëzuar Pashkët, shëndet e mbarësi për të gjithë besimtarët ortodoksë", shkruan Nikolla.

Urimet kanë vijuar edhe nga kryetari i Bashkisë Tiranë, Erjon Veliaj si dhe nga kandidati i opozitës për bashkinë Tiranë Berlind Këlliçi.

"Ky qytet ka nevojë për shumë paqe dhe dashuri. Gëzuar Pashkën të gjithë bësimtarëve" tha Këlliçi.

Edhe Enkelejd Alibeaj dhe kandidati i PD-së së vulës, Roland Bejko kanë shprehur urimet e tyre jashtë Kishës Orthodhokse në Tiranë./CNA.al





Lajmet e fundit nga