web counter
LEXO PA REKLAMA!

SHKARKO APP

App Store
Google Play

E fundit!

x

AMA, ultimatum mediave/ Mos transmetoni këto 4 aktivitete të bashkisë Belsh

14 Prill 2023, 19:17, Aktualitet CNA
AMA, ultimatum mediave/ Mos transmetoni këto 4 aktivitete të
Foto ilustruese

Autoriteti i Mediave Audiovizive ka dhënë një ultimatum për mediat, lidhur me raportimin e disa aktiviteteve.

AMA liston 4 aktivitete të ndaluara nga KQZ të bashkisë Belsh, pasi kjo e fundit nuk e ka raportuar zhvillimin e tyre brenda afatit ligjor.

AMA deklaron se mediat nuk duhet të transmetojnë përmbajtjet e aktiviteteve të ndaluara nga KQZ.

Gjithashtu, Autoriteti i Mediave Audiovizive njofton se në të kundërt do të marrë masa sipas legjislacionit.

Deklarata e plotë:

Autoriteti i Mediave Audiovizive, AMA, në përmbushje të detyrimeve që ka nga zbatimi i kërkesave të Kodit Zgjedhor, po ju përcjell një njoftim që ka marrë nga Komisioni Qendror i Zgjedhjeve, KQZ, për ndalimin e zhvillimit të veprimtarive me karakter publik.  

AMA kërkon nga të gjitha OSHMA-të që të mos përfshijnë këto aktivitete të ndaluara nga KQZ në transmetimet e përmbajtjeve audiovizive. 

AMA do të vijojë procesin e monitorimit dhe në rast të identifikimit të rasteve të transmetimit të aktiviteteve të listuara si “Ndaluar nga KQZ”, siç janë konsideruar aktivitetet e mëposhtme, do të njoftojë zyrtarisht KQZ-në për vijimin e procedimit administrativ sipas legjislacionit në fuqi. 

Më poshtë gjeni vendimin e KQZ-së, si dhe bashkëlidhur shkresën zyrtare përkatëse. 

Veprimtaritë publike të raportuara nga Bashkia Belsh, me temë:

1. “Takim në familje të ndryshme”, raportuar më datë 12.4.23 për t’u zhvilluar më datë 16.4.2023 ora 11:30-12:30 me vend zhvillimi: Vizitë në familje,

2. “Takim me banorët e fshatit Qafë Shkallë”, raportuar më datë 12.4.23 për t’u zhvilluar më datë 16.4.2023 ora 10:00-11:00 me vend zhvillimi: në mjedis të pacaktuar,

3. “Takim prezantues”, raportuar më datë 12.4.23 për t’u zhvilluar më datë 16.4.2023 ora 12:00 me vend zhvillimi: në mjedis të pacaktuar, 

4. “Takim me banorët e fshatit Shkendi”, raportuar më datë 12.4.23 për t’u zhvilluar më datë 16.4.2023 ora 10:00-11:00 me vend zhvillimi: në mjedis të pacaktuar, përbëjnë veprimtari të ndaluar në kuptim të nenit 92, pika 2, të ligjit nr. 10019, datë 29.12.2008 "Kodi Zgjedhor i Republikës së Shqipërisë", të ndryshuar dhe vendimit nr. 9, datë 24.12.2020, të Komisionit Rregullator

Në këto kushte, Komisioneri Shtetëror i Zgjedhjeve vendos të ndalojë zhvillimin e kësaj veprimtarie.  Ndalimi është kryer në ndërfaqen e raportimit të KQZ-së nëpërmjet vendosjes së shënimit “Ndaluar nga KQZ”, në aktivitete të ndaluara. Kur ka vendim ndalimi, veprimtaritë nuk mund të zhvillohen.  

Gjithashtu, referuar nenit 9, pika 4, të vendimit nr. 9, datë 24.12.2020 të Komisionit Rregullator, i drejtohemi Autoritetit të Mediave Audiovizive të marrë masa që mos të lejohet transmetimi apo të pasqyrohet në rubrikat e lajmeve apo ato që mbulojnë fushatën në radio dhe televizione./ CNA.al





Lajmet e fundit nga