web counter
LEXO PA REKLAMA!

SHKARKO APP

App Store
Google Play

E fundit!

x

“Memorandum bashkëpunimi mes Shqipërisë dhe Spanjës"/ Xhaçka zbulon synimin

14 Prill 2023, 10:47, Aktualitet CNA
“Memorandum bashkëpunimi mes Shqipërisë dhe
Ministrja e Jashtme, Olta Xhaçka

Ministrja e Jashtme, Olta Xhaçka, po zhvillon një konferencë për shtyp me homologun e saj spanjoll, Jose Manuel Albares Bueno.

Xhaçka është shprehur se vizita i paraprin marrjes së Presidencës së BE-së nga Spanja në gjysmën e dytë të vitit.

Ministrja ka theksuar se zgjerimi nuk është thjesht një instrument i BE-së, por është vetë esenca e Unionit.

Deri në fund të 2023-shit, Shqipëria parashikon të përfundojë procesin e “screening” për të gjithë grup-kapitujt e negocimit.

Ndër të tjera, Xhaçka ka bërë me dije se është rënë dakord mes dy palëve për nënshkrimin e një "Memorandumi Bashkëpunimi".

Sipas ministres, synimi është arritja e një koordinimi sa më të mirë të punës për çështjet e integrimit europian.

Në këtë memorandum parashikohet që Spanja të mbështesë Shqipërinë duke ofruar shërbime konsulence dhe asistencë teknike.

“Ndajmë të njëjtin mendim, që zgjerimi nuk është thjesht një instrument i BE-së, por është vetë esenca e Unionit.

E informova homologun Albares mbi ecurinë e progresit të Shqipërisë në procesin e integrimit.

Deri në fund të 2023-shit, Shqipëria parashikon të përfundojë procesin e 'screening' për të gjithë grup-kapitujt e negocimit.

Kërkova mbështetjen e Spanjës në lehtësimin e diskutimeve në Këshill, për një vendim pozitiv për hapjen e grupit të kapitujve themelorë.

Ramë dakord për nënshkrimin e një Memorandumi Bashkëpunimi mes vendeve tona.

Synimi, arritja e një koordinimi sa më të mirë të punës për çështjet e integrimit europian.

Në këtë memorandum parashikohet që Spanja, të na mbështesë duke ofruar shërbime konsulence dhe asistencë teknike”, ka thënë ajo./ CNA.al





Lajmet e fundit nga