web counter
LEXO PA REKLAMA!

SHKARKO APP

E fundit!

x

Premtoi se do i nxirrte të birin nga burgu/ Henri Çili dyshohet se i mori para e prona babait të të dënuarit përjetë

28 Shkurt 2020, 09:13, Kronika CNA

Detaje të reja kanë dalë lidhur me shoqërimin dhe më pas arrestimin e pronarit të UET, Henri Çili.

Sipas hetimeve të gjykatës së Përmetit, dyshohet se Henri Çili ka komunikuar me babain e Arbion Alikos, Adil Aliko, ku i premtonte se do të negocionte me një gjyqtar për lirimin nga burgu të të birit.

Sipas News 24, ka dyshime që Çili i mori shuma të konsiderueshme parash, apartament, dyqan dhe prona të tjera me premtimin se do e ndihmonte ta nxirrte të birin nga burgu.
Kujtojmë se Arbion Aliko, pjesë e grupit të zjarrit, është dënuar me burg përjetë për vrasjen e efektivit të RENEA-s, Ibrahim Basha, gjatë aksionit për të kapur grupin kriminal që kishte nisur të shtënat ndaj policisë lokale, operacion antikanabis në 2014-ën në Lazarat.

Ndaj Henri Çili, Prokuroria ka ngritur akuzat e falsifikimit të dokumenteve, mashtrimit, si edhe ushtrimit të ndikimit të paligjshëm te organet e drejtësisë./CNA.al





Lajmet e fundit nga