web counter
LEXO PA REKLAMA!

SHKARKO APP

App Store
Google Play

E fundit!

x

Reforma Administrativo-Territoriale/ Haxhimali: Nuk duhet rrudhje bashkish, mungojnë shërbimet dhe përfaqësimi

15 Maj 2026, 16:30, Aktualitet CNA

Reforma Administrativo-Territoriale/ Haxhimali: Nuk duhet rrudhje bashkish,

Drejtor i Institutit të Bashkive, Agron Haxhimali analizoi sot situatën e punës së deritanishme për Reformën Administrativo-Territoriale.

I ftuar në “Syri Tv”, Haxhimali u shpreh se ka diçka që nuk shkon përderisa mazhoranca po kërkon ridëgjim të kërkesave të opozitës.

Sipas ekspertit, në Shqipëri nuk duhet të kemi më rrudhje të bashkive, por duhet të gjenden rrugë të tjera për të përballuar këtë lloj mungesë shërbimesh dhe të përfaqësimit.

“Mazhoranca e i ka dëgjuar shqetësimet, pavarësisht se u përpoq ta mbrojë si sukses, por fakti që në 2022-shin ngriti sërish një komision për ta rikorrigjuar dhe tashmë pranoi dhe kërkesën e opozitës në 2025-ën që të punojnë bashkë, tregojnë që ka diçka që s'shkon. Opozita e ka monitoruar, opozita është në një presion jashtëzakonisht të madh nga grupe të ndryshme interesi, nga komunitete të ndryshme, nga personalitete, figura që e njohin historinë, traditën, identitetin, por mbi të gjitha nga qytetarët që nuk po marrin atë çfarë premtoi reforma 2014-ës. Kështu që opozita me të drejtë e ka monitoruar, ka grumbulluar këto ankesa dhe e vërteta është që në një artikulim të përgjithshëm të opozitës, sipas zërit dhe kërkesave të qytetarëve, kërkojnë një numër më të madh të njësive të qeverisjes vendore. Por kjo nuk është dhe për opozitën një qëllim në vetvete numri, por është shpërndarja e pushtetit, dërgimi i pushtetit tek disa zona që kanë qenë jashtë vëmendjes dhe kjo është normale për hir të së vërtetës dhe këto kërkesa, unë thashë, opozita i mbron më shumë, por dhe mazhoranca po ndeshet dita ditës me faktin që reforma, nuk duhet të kemi më rrudhje të bashkive, por duhet të gjejmë rrugë të tjera për të përballuar këtë lloj mungesë shërbimesh dhe të përfaqësimit”,-tha Haxhimali./CNA





Lajmet e fundit nga