web counter
LEXO PA REKLAMA!

SHKARKO APP

App Store
Google Play

E fundit!

x

Një jetë kushtuar skenës/ Aktori Koço Qëndro feston 99-vjetorin e lindjes

15 Maj 2026, 15:15, Aktualitet CNA

Aktori i madh shqiptar, Koço Qëndro, feston sot 99-vjetorin e lindjes. Një artist i përmasave të jashtëzakonshme, që Korça dhe Shqipëria kanë fatin ta kenë jo vetëm si aktor, por edhe si qytetar të nderuar, që mbart me vete historinë e artit korçar dhe shqiptar, që mbetet një prej ikonave më të mëdha të teatrit dhe humorit shqiptar. 

Një jetë kushtuar skenës/ Aktori Koço Qëndro feston

I lindur në fshatin Senicë të Delvinës, Koço Qëndro përjetoi një rini krejt ndryshe nga brezat e sotëm. Në vitet e luftës, ende adoleshent, ai u bë partizan dhe mori pjesë në luftimet në qarkun e Korçës. Edhe pse ëndrra e tij ishte të bëhej mësues, jeta e çoi drejt një rruge tjetër, asaj të artit, ku do të linte gjurmë të pashlyeshme.

Një jetë kushtuar skenës/ Aktori Koço Qëndro feston

Rreth fillimit të viteve ’60-të, ai spikati si aktor i Estradës së Maliqit dhe më pas iu bashkua trupës së teatrit të Korçës, për të mos iu ndarë më kurrë skenës. Me dhjetëra role në teatër, estradë dhe kinematografi, Koço Qëndro u kthye në një nga figurat më të dashura për publikun shqiptar.

Një jetë kushtuar skenës/ Aktori Koço Qëndro feston

Mes roleve që mbeten të paharrueshme në kujtesën e publikut janë Sir Endrju Eguiçik në “Nata e Dymbëdhjetë” të Shekspirit dhe Harpagoni në “Kopraci” të Molierit, personazhe që ai i solli në skenë me një mjeshtëri unike. Edhe në moshën 92-vjeçare, ai riktheu në skenën korçare “Koprracin”, duke dëshmuar se arti për të nuk kishte moshë.

Në kinematografi, ai ka lënë gjurmë me interpretime karakteriale që plotësojnë portretin e tij si aktor poliedrik. Te filmi "Përballimi" (1976), ai spikat në rolin e Sefedinit (pronari i mullirit), duke sjellë me vërtetësi tipologjinë e tregtarit të kohës. Batuta e tij në këtë film: Ore mos na e vini re se helbete pa shkollë jemi, po unë desha të di, ju për budallenj na merrni neve?, është cituar shpesh si një nga pasazhet e tij më popullore.

Një jetë kushtuar skenës/ Aktori Koço Qëndro feston

Gjithashtu, ai ka dhënë një kontribut të spikatur në filmin "Vendimi" (1984) në rolin e Aleks Xinxës, si dhe në filmat "I teti në bronz" (1970) dhe "Vitet e para" (1965). Çdo pasazh i tij në film karakterizohet nga një natyrshmëri e rrallë dhe një plastikë që i jepte jetë çdo figure, qoftë ajo dramatike apo komike.

Në rrëfimet e tij, Koço Qëndro kujtonte me shumë emocion bashkëpunimin me emra të mëdhenj të teatrit shqiptar, si Piro Mani, Dhimitër Orgocka, Pandi Raidhi dhe Sokrat Mio, artistë që shënuan historinë e skenës shqiptare.

Një jetë kushtuar skenës/ Aktori Koço Qëndro feston

Edhe sot, në këtë 99-vjetor, Koçoja flet me mall për teatrin, për publikun dhe për vitet e arta të artit shqiptar. Ai mbetet simbol i përkushtimit, thjeshtësisë dhe dashurisë për skenën.

Një jetë kushtuar skenës/ Aktori Koço Qëndro feston

Në emër të Këshillit të Qarkut Korçë, Koço Qëndros iu akordua titulli “Ambasador i Qarkut”, si vlerësim për kontributin e jashtëzakonshëm në teatër dhe kinematografi dhe për përcjelljen e vlerave artistike ndër breza./CNA 





Lajmet e fundit nga