E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Qytetari në lot para Berishës: Popull mosmirënjohës! Je rropatur për këta njerëz, nuk dua disfatë në 2025

23 Nëntor 2023, 18:38, Aktualitet CNA

Qytetari në lot para Berishës: Popull mosmirënjohës! Je

Bashkim Krajka

Një nga qytetarët prezent në takimin me ish-kryeministrin, Sali Berisha në Elbasan lotoi teksa i kujtoi Berishës të mirat që i ka bërë vendit.

“Ke bërë rrugën e Kombit, shkoj tek prindërit e mi”, tha ai teksa ju mbushën sytë me lotë.

Qytetari, Bashkim Krajka u shpreh se i vjen keq pasi Berisha është rropatur ndërsa populli është mosmirënjohës. Ai kërkoi që të votojnë me patjetër emigrantët pasi vetëm në këtë mënyrë mund të fitojnë.

Nuk do të doja kurrë të të shihja në disfatë në vitin 2025, u shpreh qytetari.

“Më vjen keq sepse ju keni sakrifikuar shumë për këta njerëz dhe nuk do të doja kurrë të të shihja në disfatë në vitin 2025. Të mirat që i ke bërë këtij kombi, vetëm atë rrugën e Kombit që shkoj tek prindërit e mi. Ky është popull mosmirënjohës, prandaj më vjen keq sepse t’i je rropatur për këta njerëz. Po nuk votuan emigrantët do ta kemi shumë të vështirë.”, tha qytetari Bashkim Krajka.

Një tjetër qytetar i Elbasanit në takim me Berishën ju drejtua liderit historik të Partisë Demokratike duke i thënë “besoj tek e vërteta juaj, tek ato të vërteta që ju thoni”.

Qytetari i tha Berishës se duhet të shtrihet aksioni në çdo lagje e rrugë me të rinjtë.

Iqmeti

“Dua që çdo degë edhe dega jonë e Partisë demokratike aksionin e vetë politik duhet ta shtrijë në çdo lagje e rrugë me të rinj. Nëse unë jam një opozitar I hershëm në këtë qytet dhe frikë kam vetëm zotin, besoj tek e vërteta juaj, tek ato të vërteta që ju thoni. Ju falenderoj.”, tha Iqmeti.

“Ta falenderoj shumë për ndërhyrjen Iqmet. Ke shumë të drejtë.”, u shpreh Berisha./ CNA