web counter
LEXO PA REKLAMA!

SHKARKO APP

App Store
Google Play

E fundit!

x

Publikoi audio-regjistrimin e 21 janarit/ Kërcënohet Artan Hoxha

25 Janar 2023, 22:27, Aktualitet CNA
Publikoi audio-regjistrimin e 21 janarit/ Kërcënohet Artan Hoxha
Gazetari investigativ, Artan Hoxha

Gazetari investigativ, Artan Hoxha është kërcënuar pas publikimit të audio-regjistrimit të 21 janarit.

Lajmin e ka bërë të ditur vetë gazetari gjatë një interviste me Rudina Xhungën.

Ai tha se bashkëshortja i kishte propozuar që ta kallëzonte këtë çështje, por theksoi se nuk e ka bërë deri më tani pasi nuk ka besim te prokuroria.

“Diskutimi im me bashkëshorten time këto ditë ishte për shkak të kërcënimeve që i kanë ardhur dhe e kalojnë çdo normë etike. Unë jam i mësuar dhe jam i pandjeshëm, por bashkëshortja më tha ta kallëzoj këtë çështje në prokurori. Por unë i thashë se unë në prokurori nuk po zgjidh dot këtë çështje që është me kaq rëndësi, jo më të zgjidh diçka timen personale dhe ndërkohë që ka edhe ngjarje të tjera.

Kjo u bë për shkak se hyri në ciklonin e politikës. Unë kam ndjekur shumë kolegë në media dhe mendoj se në punën tonë mbrojtja numër një është profesionalizmi dhe sa korrekt jemi ne me punën që bëjmë. Kjo është gjëja e parë që të mbron.

Këto ditë ajo që më shqetëson më shumë nuk është kërcënimi, pasi ndonjëherë kjo më bën përshtypje kur nuk më shkruan njeri, më është kthyer në lakmus. Më bezdis dhe më mërzit pjesa që njerëz që i njoh shumë mirë më thonë që të bëj kujdes, ose më thonë mos dil natën, mos dil vetëm, bëj kujdes se çfarë pi, kujdes se ku ulesh. Unë mundohem të mos i marr seriozisht këto gjëra. Por kur t’i thonë disa veta atëherë kjo nis të të bëjë përshtypje. Nënvlerësimi që i bëj kohës është kjo që politika të bëj punën e tij”, theksoi ai./ B.A. – CNA.al





Lajmet e fundit nga