web counter
LEXO PA REKLAMA!

SHKARKO APP

App Store
Google Play

E fundit!

x

Kostandin Luçi: Pse jam kundër mësimit të gjuhës turke në shkollat shqiptare

25 Janar 2023, 20:14, Aktualitet CNA
Kostandin Luçi: Pse jam kundër mësimit të gjuhës
Foto ilustruese

Historiani Kostandin Luçi ka dalë kundër mësimit të gjuhës turke nëpër shkollat shqiptare.

Me anë të një statusi në rrjette sociale, Luçi thotë se gjuha turke nuk është gjuhë e shkencës ose gjuhë e biznesit, ose gjuhë e artit.

Ai pretendon se gjuha turke është gjuhë e një shteti, i cili ka aspiratë për të zgjeruar planin e tij neo otoman në hapësirën Ballkanike dhe sidomos në trekëndëshin: Shqipëri-Kosovë-Bosnjë-Hercegovinë.

Sipas tij, mësimi i gjuhës turke nëpër shkolla nuk mund të ketë një të ardhme ashtu si na propagandohet sepse nuk shërben në asnjë vend tjetër të botës, përveç Turqisë.

Shkrimi i plotë i historianit Kostandin Luçi:

Pse jam kundër mësimit të gjuhës turke, nëpër shkollat shqiptare.

Nuk kam për qëllim që të paragjykoj gjuhën turke, por fakti që kjo gjuhë tashmë pjesë e kurrikulave me zgjedhje, nëpër shkollat shqiptare më bën të ndihem keq, përfshi dhe faktin që po kjo gjuhë, do jetë provim me detyrim në maturë. Vetë fakti që një pjesë e madhe e nxënësve nëpër shkolla të ndryshme anembanë vendit kanë zgjedhur këtë gjuhë, pra gjuhën turke si një lëndë me zgjedhje, më bën që të kthej kokën pas në kohë dhe të analizoj faktin, se si ky plan ka kohë që është përgatitur nëpër ekranet e tv kombëtare shqiptare, të cilat kanë vite që kanë implementuar telenovelat turke dhe kjo është arsyeja pse gjuha turke po pranohet kaq masivisht, sepse janë këto telenovela dhe ky pushtim mediatik që po ndikon në arsim, dhe në këtë rast, ate të futjes së gjuhës turke nëpër shkolla.

Gjuha turke nuk është gjuhë e shkencës ose gjuhë e biznesit, ose gjuhë e artit, por është thjesht një gjuhë e një shteti, i cili ende edhe sot në vitin 2023 ka aspiratë për të zgjeruar planin e tij neo otoman në hapësirën Ballkanike dhe sidomos në trekëndëshin: Shqipëri-Kosovë-Bosnjë-Hercegovinë.

Mësimi i gjuhës turke nëpër shkolla nuk mund të ketë një të ardhme ashtu si na propagandohet,  sepse ajo mund të mësohet si një gjuhë, e cila mund të shërbejë vetëm nëse shkon në Turqi dhe në asnjë vend tjetër të botës. Implementimi i kësaj gjuhe, në arsimin shqiptar, është një humbje kohe dhe një tallje me sakrificën e atyre që luftuan që ne të kemi një alfabet me shkronja latine dhe jo turko-arabe, por që mesa duket, sot alfabeti latin dhe kultura e kësaj gjuhe po zëvendësohet nga ajo turko-arabe.

Të gjitha shkencat dhe terminologjia e tyre, janë në gjuhët greke-latine dhe jo turko-arabe. Do ishte më me vlerë që latinishtja ose greqishtja e vjetër të mësoheshin nëpër shkolla sepse ato janë gjuhët e shkencës, artit, astronomisë dhe shumë gjërave të tjera që me gjuhën turke nuk do i mësoni kurrë./ B.A. - CNA.al





Lajmet e fundit nga