E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Prokuroria e Gjirokastrës dërgon për gjykim një person për pastrim parash/ I sekuestrohen edhe pasuritë

5 Maj 2026, 15:58, Aktualitet CNA

Prokuroria e Gjirokastrës dërgon për gjykim një person

Prokuroria e Gjirokastrës ka përfunduar hetimet dhe ka dërguar në gjyq shtetasin A.B., që dyshohet për kryerjen e veprës penale “Pastrim parash”.

Sipas njoftimit të prokurorisë, në kuadër të hetimeve, është vendosur sekuestro preventive ndaj disa pasurive që dyshohet se i përkasin shtetasit A.B.

Pasuritë përfshijnë një apartament me sipërfaqe 66.8 m² në rrugën “1 Maji”, Sarandë, një apartament me sipërfaqe 160.7 m² në të njëjtën zone si dhe një automjet “Mercedes Benz”.

Njoftimi i Prokurorisë:

Prokuroria Gjirokastër dërgon në gjyq shtetasin A.B. për ‘pastrim parash’, sekuestrohen 2 apartamente dhe makinë, të dyshuara nga veprimtari të paligjshme në Mbretërinë e Bashkuar

Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, përfundoi hetimet dhe dërgon në gjyq shtetasin A.B., i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”, kryer më shumë se një herë, parashikuar nga neni 287 i Kodit Penal.

Nga hetimet paraprake për procedimin penal nr.13, të vitit 2022, rezultoi se ky shtetas ka siguruar pasuri të paluajtshme nga të ardhurat nga veprimtaria e paligjshme në Mbretërinë e Bashkuar.

Nëpërmjet investimit në pasuri të paluajtshme në qytetin e Sarandës, si dhe blerjes së automjetit “Mercedes Benz” me të cilin ushtron aktivitetin e shërbimit “transport udhëtarësh”, ky shtetas rezultoi se ka kryer veprime financiare me qëllim shmangien nga raportimi sipas legjislacionit për parandalimin e pastrimit të parave, arsye për të cilën po procedohet penalisht.

Në funksion të hetimit, me kërkesën e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, u caktua “Sekuestro preventive” mbi pasuritë që i përkasin shtetasit A.B. si më poshtë:

a.     Pasuria e llojit “Apartament” me sip. 66.8m2, vendodhje rruga “1 Maji”, Sarandë;

b.     Pasuria e llojit “Apartament” me sip. 160.7m2, vendodhje rruga “1 Maji”, Sarandë; dhe

c.     Autoveturë “Mercedes Benz”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Gjirokastër, shpreh angazhimin e plotë për vijimin e hetimeve të grup-veprave që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre. /CNA