web counter
LEXO PA REKLAMA!

SHKARKO APP

App Store
Google Play

Bie sërish Veliaj/ Gazetari shpallet i pafajshëm

5 Maj 2026, 14:23, Aktualitet CNA

Një zhvillim i ri vjen sot në kuadër të dhjetëra padive që kryebashkiaku i arrestuar i Tiranës, Erion Veliaj, ka hapur kundër gazetarëve dhe njerëzve publikë, që t’u mbyllë gojën, duke tentuar t’i shpallë fajtorë vetëm sepse ata denoncojnë ose shprehin mendimin e tyre të lirë.

Këtë herë bëhet fjalë për gazetarin Aulon Kalaja, që këtë të martë u shpall i pafajshëm nga Dhoma Penale e Gjykatës së Tiranës, pasi ishte paditur nga Veliaj për shpifje.

Në fjalën e tij për mediat, Kalaja thekson se u ka qëndruar gjithmonë deklaratave që ka bërë ndaj Veliajt në një hapësirë televizive, pa u intimiduar, teksa shprehet se që nga fillimi i tetorit kur edhe nisi gjyqi, ka zhvilluar plot 17 seanca ndaj kryebashkiakut.

 “Dua t’ju njoftoj se sot fitova gjyqin kundër krybashkiakut të Tiranës, Erion Veliaj, i cili më kishte paditur për shpifje për një deklaratë që unë kam bërë në televizion. Gjyqi ka filluar në muajin tetor. Pas 17 seancave, ditën e sotme u vendos drejtësi nga gjykata, ku unë dola i pafajshëm dhe absolutisht që kryebashkiaku më ka çuar në gjykatë si një padi strategjike, për t’më intimiduar, që unë të tërhiqem nga deklaratat e mia. U kam qëndruar deklaratave dhe gjykata e çmoi sot se nga të gjitha prej tyre, të shpallem i pafajshëm dhe pa diskutim që sot jam shumë i lumtur edhe si gazetar, por edhe si politikan i ri”,-nënvizoi Kalaja./CNA

 





Lajmet e fundit nga