web counter
LEXO PA REKLAMA!

SHKARKO APP

App Store
Google Play

Rënia e Shqipërisë në lirinë e medias/ Rama: Lexoni raporte profesionale dhe objektive

5 Maj 2026, 15:27, Aktualitet CNA

Rënia e Shqipërisë në lirinë e medias/ Rama: Lexoni

Kryeministri Edi Rama ka reaguar lidhur me raportin e Reporterëve pa Kufij për rënien e vendit tonë në renditje sa i përket lirisë së medias.

Rama thekson se nuk ka pretenduar që kritikët të matin vetë komunikimin institucional, por sugjeron që ata të mbështeten në raporte profesionale dhe objektive nga institucione që analizojnë këtë fushë.

Sipas tij, këto raporte nxjerrin në pah kundërshti të rëndësishme mes vlerësimeve të kritikëve dhe analizave të specializuara.

“Unë kurrë nuk kam thënë që ju matni komunikimin e qeverisë, por tani që e përmendët, thjesht po mendoj: a nuk është ndoshta një ide e mirë që ju të lexoni raportet e atyre që realisht e bëjnë këtë, dhe e bëjnë në mënyrë profesionale dhe objektive?

Mund t’ju ndihmojë, sepse dalin në pah kundërshti të rëndësishme midis vlerësimeve tuaja dhe të tyre kur bëhet fjalë për marrëdhënien midis qeverisë, medias dhe publikut në një vend të lirë si Shqipëria, ku, ndryshe nga sa keni pretenduar dikur, madje më shumë se një herë, Agjencia për Media dhe Informim duket se ka qenë një ide shumë e mirë në shërbim të lirisë së informimit. Kaq”, shkruan Rama./ CNA





Lajmet e fundit nga