web counter
LEXO PA REKLAMA!

SHKARKO APP

App Store
Google Play

E fundit!

x

Padia për shpifje/ Këlliçi: Carlo Bollino shmanget nga përballja në sallën e gjyqit

5 Maj 2026, 14:47, Aktualitet CNA

Padia për shpifje/ Këlliçi: Carlo Bollino shmanget nga

Deputeti demokrat, Belind Këlliçi, tha sot pas daljes nga ambientet e Gjykatës së Tiranës, se botuesi Carlo Bollino, me të cilin është në gjyq për shpifje, u shmanget seancave dhe përballjes me të.

Në fjalën e tij para gazetarëve, Këlliçi u shpreh se që në fillim, Bollino e ka adresuar padinë në një mënyrë të gabuar, si një mënyrë që përmes shkrimeve të publikuara prej tij, të krijonte një përshtypje të rreme lidhur me procesin gjyqësor.

“Mos u shqetësoni se edhe provat do t'jua sjellim personalisht dhe do të ndjekim. Unë e kuptoj se në rastin e Erion Veliajt, se me të jam në çështje të tjera, ai nuk vjen dot në gjykatë se është në burg. Në rastin e Mirel Mërtirit apo Klodian Zotos të inceneratorëve që më kanë paditur për shpifje, nuk vijnë dot se janë në arrati. Ne rastin e Carlo Bollino-s nuk arrij dot ta kuptoj se pse shmanget nga përballja në sallën e gjyqit, kur vetë, më ka akuzuar mua që jam shmangur nga seancat dhe përballja me të. Padia është adresuar që në fillim në mënyrë të gabuar, si e si për të bërë shkrime se unë po shmangesha nga një padi e bërë nga Bollino për shpifje, kur në momentin e parë kur jam njohur me këtë fakt, jam paraqitur nga seanca vijuese e më tej, për të respektuar gjykatën dhe veten”,-u shpreh Këlliçi./CNA  





Lajmet e fundit nga