web counter
LEXO PA REKLAMA!

SHKARKO APP

App Store
Google Play

E fundit!

x

Si e gënjeu gjykatën avokati Aranit Roshi

5 Maj 2026, 15:46, Aktualitet CNA

Sot në Gjykatën Penale të Tiranës ka shkuar në seancë gjyqësore avokati i Carlo Bollino-s, Aranit Roshi, për padinë që ka bërë ndaj deputetit të PD-së, Belind Këlliçi, dhe Jamarbër Malltezit.

Avokati, i cili më 14 prill nuk u paraqit në seancat gjyqësore në Gjykatën Penale të Tiranës, pasi deklaroi se kishte një rast mortor në familje dhe për këtë gjyqi u shty.

Si e gënjeu gjykatën avokati Aranit Roshi
Procesverbali i mbajtur në seancën e 14 prillit
Si e gënjeu gjykatën avokati Aranit Roshi
Kerkesa per shtyrje te seances
Si e gënjeu gjykatën avokati Aranit Roshi
Vendimi per shtyrje te seances

Por po në të njëjtën ditë, avokati i Carlo Bollino-s, (pra më 14 prill), një orë pas shtyrjes së seancave në Gjykatën Penale Tiranës, Aranit Roshi ka shkuar në një seancë në Gjykatën Civile.

Sot, avokati i Carlo Bollino-s, Aranit Roshi, e ka pranuar, duke thënë që, po, është e vërtetë që ka dhe në një seancë tjetër, por duke deklaruar se nuk ka pse të japë llogari.

Këtu jemi përballë faktit që një avokat ka gënjyer Gjykatën.

Ai duhet patjetër ose të vërtetojë që një i afërm i tij ka humbur jetën dhe ka qenë e arsyeshme mosshkuarja e tij në seancë, në të kundërt Shoqata e Avokatëve duhet të marrë masa ndaj këtij avokati, i cili ose ka gënjyer me vetëdije për të shtyrë me qëllim seancën ose është urdhëruar nga klienti i tij Carlo Bollino për ta zgjatur, për ta bërë tërkuzë procesin gjyqësor.

Sot është zbuluar dhe fakti që avokati ka gënjyer, por siç ka thënë në seancë nuk ka pse jep llogari.

Carlo Bollino bën padi në gjykata për të intimiduar dhe për t’u mbyllur gojën denoncuesve, njerëzve që kanë raportuar në publik të vërtetat e mëdha të Carlo Bollino-s, njeriut që erdhi si gazetar nga Italia dhe në Shqipëri u bë një miliarder, duke përfituar pafund para nga fondet publike dhe nga taksat e shqiptarëve, përfshirë këtu dhe para e fonde nga afera e inceneratorëve apo nga skandalet e tjera korruptive të pushtetit./ CNA





Lajmet e fundit nga