web counter
LEXO PA REKLAMA!

SHKARKO APP

App Store
Google Play

E fundit!

x

Pretendon se janë shkelur afatet/ Meta kërkon lirinë

17 Qershor 2025, 12:38, Aktualitet CNA

Pretendon se janë shkelur afatet/ Meta kërkon lirinë

GJKKO do të shqyrtojë këtë të premte kërkesën e kreut të Partisë së Lirisë Ilir Meta për ndryshimin e masës së sigurisë arrest me burg.

Të premten, më 20 qershor 2025, në orën 11:30, pritet të zhvillohet seanca gjyqësore për shqyrtimin e kërkesës së mbrojtjes së Presidentit të Partisë së Lirisë, Ilir Meta, lidhur me vlerësimin e kushteve për caktimin e masës së sigurisë dhe kërkesën për zëvendësimin e masës “arrest me burg”, të vendosur nga Gjykata e Posaçme në tetor të vitit të kaluar.

Seanca do të drejtohet nga gjyqtari Erion Çela, i cili do të vendosë mbi kërkesën e paraqitur nga mbrojtja e Metës.

Në kërkesë, avokatët pretendojnë se janë shkelur afatet procedurale, pasi kanë kaluar më shumë se 8 muaj nga caktimi i masës dhe SPAK nuk ka dorëzuar asnjë informacion dy mujor, siç parashikohet nga ligji.

Mbrojtja ka paraqitur gjithashtu disa vendime të Gjykatës Evropiane për të Drejtat e Njeriut (GJEDNJ), duke sjellë në vëmendje raste analoge, përfshirë edhe çështjen “Gëllçi”, për të argumentuar se masa e sigurisë është e pajustifikuar dhe duhet zëvendësuar./ CNA





Lajmet e fundit nga