web counter
LEXO PA REKLAMA!

SHKARKO APP

App Store
Google Play

E fundit!

x

Pretendimet e sekretarit të OMONIA-s: Bandat kanë kërcënuar komisionerët e opozitës

4 Gusht 2024, 18:19, Aktualitet CNA
Pretendimet e sekretarit të OMONIA-s: Bandat kanë kërcënuar
Sekretari i OMONIA-s, Marin Suli

Sekretari i OMONIA-s, Marin Suli, hodhi akuza të forta ndaj mazhorancës këtë të diel, teksa mbahen zgjedhjet në Bashkinë e Himarës.

Suli tha për mediat se në çdo qendër votimi ka prezencë të bandave kriminale.

Ai ngriti pretendimet se bandat kanë kërcënuar me jetë disa komisionerë të koaliacionit “Bashkë Fitojmë”. Ai theksoi se të gjitha rastet e kërcënimit janë referuar në polici.

“Sapo votova për kryetarin e ri të bashkisë, zotin Gjikuria. Zgjedhjet duhet të kishin shkuar më mirë në një vend demokratik. Jemi në një situatë ku administrata rilindase e kryeministrit pothuajse ka pushtuar Himarën. Është e pamundur që në çdo qendër të mo gjesh 10 deri 15 nëpunës shtetit që bëjnë presion. Bandat kriminale janë pothuajse në çdo qendër votimi. Kanë kërcënuar me jetë, me presion komisionerët tanë. Sigurisht nuk janë zgjedhje në një vend demokratik janë zgjedhje të sforcuar. Himara do reagojë, Himara do ketë një kryetar bashkie europian dhe amerikan. Shkoni të votoni, ju bëj thirrje, të votojnë një orë e më parë. Të mos kenë frikë nga presionet e rrugeçërve.

Po po janë shumë të vërteta. I kemi referuar edhe në polici. Në Vranisht komisionerin tonë e kanë kërcënuar me jetë. Në lagjen 1 maj, këtu e njëjta gjë. Nëpunës të administratës së bashkisë së Vlorës, na kanë kërcënuar me jetë. I kemi referuar në polici. Dhe prisnim që të bënte shumë më tepër. Këto do jenë subjekt kallëzimesh pas përfundimit të procesit zgjedhor”, theksoi sekretari i OMONIA-s./ CNA





Lajmet e fundit nga