web counter
LEXO PA REKLAMA!

SHKARKO APP

App Store
Google Play

Zgjedhjet në Himarë/ Pjesëmarrja në qendrat e votimit

4 Gusht 2024, 09:08, Aktualitet CNA
Zgjedhjet në Himarë/ Pjesëmarrja në qendrat e votimit
Kuti votimi, Himarë

Që prej orës 07:00 të mëngjesit të sotëm ka nisur procesi i votimit për të zgjedhur kryebashkiakun e Himarës. 

Deri në orën 08:00, sipas të dhënave të KQZ-së, kanë votuar 2.69% e qytetarëve me të drejtë vote. Pra kanë votuar 580 persona në total. 

Në disa qendra votimi ka pasur problematika. Në Himarë-Fshat 100 votues nuk u lejuan të votojnë pasi kishin karta të skaduara. Gjithashtu në disa qendra të tjera votimit, procesi ka nisur me vonesë. Ndërkohë në dy qendra votimi në fshatin Kuç nuk ka nisur ende votimi.

Në total do të jenë 36 qendra votimi në Himarë, që janë hapur në orën 07:00 dhe do të mbyllen në 19:00 deri kur të largohet votuesi i fundit.

Në qendrat e votimit, materialet zgjedhore kanë mbërritur 2 ditë më parë, ndërsa KQZ ka bërë shpërndarjen e tyre orët e para të mëngjesit të së shtunës.

Në Himarë aplikohet vetëm identifikimi elektronik dhe qendrat e votimit do të jenë të monitoruara me kamera ashtu si në çdo zgjedhje./CNA 

Zgjedhjet në Himarë/ Pjesëmarrja në qendrat e votimit

 





Lajmet e fundit nga