web counter
LEXO PA REKLAMA!

SHKARKO APP

App Store
Google Play

Polici u përfshi në sherr/ Balla: Zero tolerancë, nuk mund të qëndrojë më në atë pozicion

9 Shtator 2023, 14:34, Aktualitet CNA

Polici u përfshi në sherr/ Balla: Zero tolerancë, nuk mund

Ministri i Brendshëm, Taulant Balla ka reaguar pas një ngjarje të ndodhur në Tiranë në orët e kara të mengjesit ku u përfshi dhe një punonjës policie.

Balla  në një postim në rrjetet sociale  u tregua i prerë se një person i tillë nuk mund të qëndrojë në radhët e policisë së shtetit. 

Ai thotë se vetëpastrim në Policinë e Shtetit do ti shkohet deri në fund ndërkohë i bën thirrje AMP-se për hetime për individin e përfshirë në sherr.

Postimi i plotë:

Vetëpastrimit të Policisë së Shtetit do t’i shkohet deri në fund dhe asnjë rast i shkeljes së ligjit dhe normave etike nuk do të tolerohet. Rikthimi i plotë i besimit të qytetarëve tek Policia e Shtetit është përpjekja ime kryesore si Ministër i Brendshëm dhe e drejtuesve të Policisë së Shtetit, me angazhimin për tu ofruar qytetarëve nivelin e duhur të sjelljes, profesionalizmit dhe shërbimit të sigurisë publike. Duhet gjithashtu të jetë e qartë se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë ZERO.

Por në rast se një punonjës i Policisë së Shtetit, siç jam informuar sot duke u gdhirë në Tiranë, bëhet palë në një konflikt fizik, ndërsa do të duhej të ndërhynte menjëherë në vendosjen e rregullit, atëherë ky individ nuk mund të qëndrojë më për asnjë çast në Policinë e Shtetit. Ndërkohë AMP dhe Prokuroria të vazhdojnë verifikimet dhe hetimet e tyre ligjore!/ CNA

Në ngjarje janë përfshirë 7 persona disa prej të cilëve mbetën të plagosur. 





Lajmet e fundit nga