web counter
LEXO PA REKLAMA!

SHKARKO APP

App Store
Google Play

E fundit!

x

Hysni Gurra rendit arsyet/ Pse është kundër votës së emigrantëve

8 Shtator 2023, 21:08, Aktualitet CNA
Hysni Gurra rendit arsyet/ Pse është kundër votës së
Gazetari Hysni Gurra

Gazetari Hysni Gurra është shprehur kundër lejimi të votës së emigratëve në zgjedhje.

Gurra deklaron në rrjetet sociale se e kundërshton votën e emigrantëve jo për qasje diskriminuese, por për shkak të propagandës së qeverisë.

Ai shprehet se emigrantët manipulohen lehtësisht nga propaganda e qeverisë për shkak se nuk e ndjekin me vëmendje situatën në Shqipëri.

Gjithashtu, gazetari pretendon se gjuha e ashpër e Ramës ndaj ndërkombëtarëve i bëjnë emigrantët më të motivuar moralisht për shkak të diskriminimit që hasin në shoqëritë ku jetojnë.

“Ju kam thënë që jam kundër votës së emigrantëve?

Jo se kam gjë me emigrantët, jam, ose mund të jem vetë kontigjent për emigrant, pra, s’ka të bëjë me qasje diskriminuese, por është diçka më e thjeshtë.

Nuk them dot me siguri, por përafërsisht për rrumbullakosje, besoj se mbi 70% e emigrantëve do votojnë sipas nivelit të propagandës që do vijë nga Shqipëria.

Për këtë punë ky mashtruesi që qeveris Shqipërinë është i pakonkurueshëm.

Një masë e madhe e kësaj përqindje që po them nuk kanë nivelin e duhur për të ndarë shapin nga sheqeri. Punojnë nëpër punëra të ndryshme andej, shkojnë në darkë në shtëpi telef, flasin nja dy orë në video ëhatsapp edhe dalin te kafet ku mblidhen shqiptarët dhe do thonë: Shihe mër si ia bëri Rama grekut, shihe mër si ia bëri anglezit, shihe mër si ia bëri italianëve… ai është tamam, ai s’çan b…për këta. Kënaqen se duke qenë që vuajnë diskriminimin në shoqëritë ku jetojnë, me të drejtë kanë nevojë për çikë moral.

Tjetra, ata nuk janë objektivë, nuk jetojnë këtu, nuk e dinë sa është çmimi, fjala vjen, i naftës këtu, i vezës, i djathit, mishit…atje ku jetojnë i kanë të lira, rrogat më të mira se në Shqipëri dhe duke mos pas shkallën e duhur të njohjes do votojnë tallava.

Dhe e fundit, punonjësit e postës tonë po vjedhin qindarkat e invalidëve dhe pensionistëve, mendojeni vetë ju t’i shkojë rilindasi me çanta me para dhe në vend të zarfit që vjen nga Hysniu i diasporës të rrasin zarfin e Hysniut patronazhist të këtushëm dhe ta numërojnë për votë diaspore”, shkruan Hysni Gurra./ CNA





Lajmet e fundit nga