web counter
LEXO PA REKLAMA!

SHKARKO APP

App Store
Google Play

E fundit!

x

Balluku inspekton punimet në qendrën e Monitorimit të Trafikut Rrugor: Të mbyllet brenda afatit

8 Shtator 2023, 10:27, Aktualitet CNA

Balluku inspekton punimet në qendrën e Monitorimit të Trafikut

Të premten, zëvendëskryeministrja, njëherësh Ministrja e Infrastrukturës dhe Energjisë, Belinda Balluku, inspektoi punimet për ndërtimin e Qendrës së Monitorimit të Trafikut Rrugor.

Gjatë inspektimit ministrja u tha drejtuesve të këtij kantieri që punimet duhet të mbyllen brenda afateve.

Sipas saj, kjo gjë nuk do të krijonte probleme me firmat koncensionare që janë ato të akseve për korridorin blu, që do të monitorohen nga kjo qendër.

“Ne do të mbulojmë 200 km. Do të jenë të pajisura me kamera dhe sensorë. Kemi synime që të arrijmë edhe më shumë km. Gjithçka do të shihet në kohë reale. Nga sipër, kemi mundësi që edhe sallat që ndodhen atje, të kontrollojnë gjithçka që ndodh poshtë. Kemi dy projekte, siç është dhe ngritja e infrastrukturës digjitale. Do të kemi dhe një analizë ditore dhe javore, se cilat rrugë do të monitorohen më shumë apo cilat janë pikat e zeza. Sa i përket infrastrukturës akomoduese, shoh që ka ecur, jeni 26%. Më duhet të jeni brenda afateve, pasi një pjesë e akseve që do të jenë nën monitorim janë akset edhe ato të koncesionit për korridorin blu, për të mos pasur konflikte me palët koncensionare. Në fazën e parë do ketë 120 punonjës, synimi është të shkojmë deri në 220 punonjës", tha Balluku. 

 

 





Lajmet e fundit nga