web counter
LEXO PA REKLAMA!

SHKARKO APP

App Store
Google Play

E fundit!

x

Lirohet biznesmeni Kastriot Ismailaj/ Në qeli që prej majit të 2015-ës për skandalin CEZ-DIA

7 Shtator 2023, 21:09, Aktualitet CNA

Lirohet biznesmeni Kastriot Ismailaj/ Në qeli që prej majit të

Mesditën e kësaj të enjteje është liruar nga burgu biznesmeni Kastriot Ismailaj, i arrestuar për skandalin CEZ-DIA.

Lajmin e ka bërë të ditur gazetari Artan Hoxha, i cili deklaron se Ismailaj ka lënë qelinë pas 9 vitesh.

Ai shkruan në rrjetet sociale se lirimi ndodhi pasi Autoritetet e Burgut të Fierit plotësuan të gjithë dokumentacionin dhe verifikuan afatet e dënimit.

Kujtojmë se Ismailaj u arrestua më 12 Maj të 2015-ës nën akuzën se përvetësoi nga kompania CEZ, rreth 5 milionë Euro për një shërbim të cilin s’e kishte kryer, duke falsifikuar dokumentat.

Statusi i plotë:

Sot në mesdite eshte liruar pas 9 vitesh burg, Kastriot Ismailaj, pronari i kompanise DIA.

Autoritetet e Burgut te Fierit, pasi plotesuan te gjithe dokumentacionin dhe verifikuan afatet e denimit, vendosen te lirojne nga burgu biznesmenin e perfshire në skandalin CEZ-DIA qe trazoi politiken shqiptare per vite me radhe.

Kastriot Ismailaj, biznesmeni i përfshirë në skandalin CEZ-DIA, u denua me 11 vjet burgim në tetor të vitit 2017 nga Gjykata e Tiranës.

Ismailaj ka qëndruar në paraburgim rreth 2 vjet e 6 muaj që ju llogariten në 3 vjet e 9 muaj. Nga tetori i 2017 deri në mesditen e sotme 7 shtator 2023, ai ka vuajtur pjesen tjeter te denimit.

Kastriot Ismailaj u arrestua më 12 Maj 2015 nga Sektori i Pastrimit te Parave dhe ai i Krimit Ekonomik dhe Financiar.

Ismailaj u akuzua për “mashtrim me pasoja të rënda” dhe “pastrim të parave”, vepra këto të kryera në bashkëpunim me persona të tjerë.

Sipas akuzës, Ismailaj duke falsifikuar dokumentat arriti të përvetësojë nga kompania CEZ, rreth 5 milionë Euro për një shërbim të cilin s’e kishte kryer.

Çështja u rikthye në dyert e SPAK pas një kërkesë që deputeti Taulant Balla bëri për rigjykimin e dosjes në vitin 2020 në ngarkim të disa personave, ndër ta edhe ish-kryeministrit Sali Berisha.

Biznesmeni ishte pronari i kompanisë “DIA”, e cila lidhi marrëveshje me “CEZ-Albania” me qëllim mbledhjen e borxheve financiare të klientëve që kishin detyrime financiare në mospagimin e energjisë elektrike në Shqipëri.

Por kjo marrëveshje ishte një dështim total dhe mashtrim me vlerë dëmi 5 milion euro. Për shkak të humbjeve të mëdha, që pësoi kompania me qendër në Pragë dhe mos mbledhja e borxheve, shteti Shqiptar vendosi të largojë firmën energjitike Çeke,“CEZ-Albania”.

Për rrjedhojë CEZ, nisi proces arbitrazhi kundër Shqipërisë për dëmet dhe Shqipëria u detyrua t’i paguajë CEZ-it 95 milionë euro për të rimarrë pronësinë e kompanisë.

Ndërsa në Shqipëri, prokuroria nisi paralelisht një proces penal, duke arrestuar e dënuar me 11 vite burgim Kastriot Ismailaj.

Njëherësh këtij të fundit ju konfiskuan 5 milion euro në llogaritë e tij bankare, duke ja kaluar buxhetit të shtetit. Marrëveshja “CEZ Albania” dhe “DIA”, vijon të hetohet nga SPAK dhe shfaqë shqetësim për funksionare dhe ish-funksionare të lartë të shtetit./ CNA





Lajmet e fundit nga