web counter
LEXO PA REKLAMA!

SHKARKO APP

App Store
Google Play

E fundit!

x

"Plumbi i Artë" në GJKKO/ Nga njohja me Nuredin Dumanin te porosia për vrasjet, dëshmon Henrik Hoxhaj

3 Shkurt 2026, 12:59, Aktualitet CNA

"Plumbi i Artë" në GJKKO/ Nga njohja me Nuredin Dumanin te

Në Gjykatën e Posaçme po zhvillohet seanca gjyqësore për dosjen “Plumbi i Artë”. Në seancën e sotme ka dhënë dëshminë e tij Henrik Hoxhaj, i cili ka treguar se si është njohur me të penduarin e drejtësisë dhe të akuzuarin për disa vrasje të bujshme, Nuredin Dumani.

"Njihem me Nuredin Dumanin. Jam njohur te ditëlindja e Festim Qolit në vitin 2020. Aty jemi njohur, duke ngrënë, duke pirë. Kemi shkëmbyer numrat. Disa muaj më vonë u takuam. Nuredini ishte i interesuar për të më takuar. Nuk e mbaj mend, por më duket se kemi komunikuar me telefona të kriptuar. Kemi biseduar për disa vrasje. Ai kishte marrë porosi nga Krymi. Më tha që janë disa punë për t’u bërë, a je i interesuar. Unë i thashë po. Nuredini më tha për dy vrasje që do të bëheshin në Durrës. Në fillim qe si porosi e Krymit, por pastaj i paraqiti si problematika të tij. Tha a je dakord në fillim. Po dakord, i thashë”, tha Hoxha. 

Ndër të tjera gjatë dëshmisë, Hoxhaj ka treguar dhe për një takim ku ka diskutuar me Dumanin për vrasjen e Dorian Shkozës. Ai tha se Nuredin Dumani i kishte propozuar 70 mijë euro për këtë vrasje.

“Në këtë takim diskutuam për vrasjen e Dorian Shkozës. Do të kryhej kundrejt pagesës. Në fillim propozoi 70 mijë euro. Ai gjeti mjetet dhe armët. Shofer qe Elio Bitri, elbasanlli. Si kohë, ishte pak pas takimit, në pandemi. Nuk kishim leje, por ishim sipas rregullave, me rrip, me rregulla qarkullimi. Ditën e ngjarjes kam shkuar në Durrës. U takova te shtëpia e Nuredinit në Durrës. Nga aty u nisëm. Kemi përdorur një makinë të zezë. Ishte Elio në timon, unë mbrapa shoferit. Kisha unë dy armë, Elio një.  Nuredini u nis me ne. Ne kemi dalë një xhiro te servisi. Kur kaluam njëherë nuk ishte prezent.

Kur u kthyem ishte aty. Ishte me dy persona i shoqëruar. Elio më thotë, ja ku janë. Ishin 3 vetë në trotuar. Unë i qëllova me armë nga brenda makinës. Një armë m'u bllokua, përdora tjetrën. Njëri nga ata ngeli në vend. Doriani u rrëzua pak më tutje. Unë i thashë, a ti je Doriani. Ai tha jo. Pyeta Elion, a ky është. Po më tha ai. Edhe e godita. Një e goditi edhe Elio. Pati një pistoletë me mulli. Pas vrasjes hipa në makinë. Në ikje e sipër, i thashë, mua më lër te Plepat, ku kisha lënë një makinë. Unë hipa tek ajo me duar në xhepa. Ndërsa makina tjetër iku u dogj te Bishti i Zhurit. Nuredini ka qenë pas nesh dhe e ka parë ngjarjen. Më tha, o kusho doli shumë mirë. Pagesën e mora për ngjarjen. Por ajo 70-shja u nda mes meje e Elios. 35 mora. Nuk e di sa i dha Elios. Pas kësaj vrasjeje kam jetuar në Tiranë. Nuk fshihesha. Lekët Nuredini më tha se i merrte nga Krymi”, është shprehur Hoxhaj. /CNA





Lajmet e fundit nga