web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë janë të pakënaqur, por u duhet një popull hua për të protestuar!

3 Shkurt 2026, 09:49, Aktualitet CNA

Të gjithë janë të pakënaqur, por u duhet një

Drejtuesja e Departamentit të Politikës së Jashtme, Ilda Zhulali, përmes një reflektimi kritik ndaj realitetit shoqëror dhe politik në vend, ka ngritur shqetësimin mbi mungesën e reagimit qytetar përballë problematikave të përditshme, duke bërë thirrje për protestë më 10 shkurt.

Në opinionin e saj Zhulali përshkruan një realitet të mbushur me ankesa për korrupsionin, paaftësinë institucionale dhe degradimin e shërbimeve publike, nga shëndetësia dhe arsimi, deri tek administrata dhe infrastruktura. Sipas saj, qytetarët shprehin pakënaqësi të vazhdueshme, por shmangin reagimin kolektiv dhe përballjen e drejtpërdrejtë me qeverinë.

Zhulali kritikon ashpër dhunën dhe konfliktet që shpërthejnë në jetën private dhe sociale, ndërkohë që mungon guximi për reagim qytetar ndaj pushtetit. Mesazhi i saj mbyllet me një thirrje të drejtpërdrejtë për pjesëmarrje në protestën e paralajmëruar më 10 shkurt.

“Të gjithë janë të pakënaqur, por iu duhet një popull hua për të protestuar!

Nis mengjesi, dhe dëgjoj me durimin sa mali Everest ankesat që të tregojnë se deri ku ka arritur vjedhja, makutëria, paaftësia. Se si i afti është zhdukur në kurbet se doli i mbikualifikuar, dhe i pashkolli është bërë inxhinier, doktor, mësues, drejtor, kryeministër.

Dhe me durimin sa mali Everest dëgjoj se si u zure me doktorin në spital, si desh të zuri mali që rrëshqiti mbi rrugë, si shkolla është bërë kasaphane, si duron shefin që të thotë fjali që as fëmija yt 5-vjeçar nuk bën gabim t’i shqiptojë, deri në fundin e fundit se nga ky vend duhet të ikësh me vrap, dhe duke e mbyllur me shprehjen lapidaro-betonuese: si durojnë këta njerëz, si nuk reagon ky popull.

Sepse ti je në kërkim të një populli tjetër që reagon në emrin tënd... me variantin “anonim, ju lutem”. Se të pëlqen shumë kur sheh si protestojnë francezët, italianët, madje edhe serbët… ah po… ata kanë popuj!

Ndërsa ti... ti je gati të vrasësh gruan, të shqyesh fqinjin, t’ia thyesh turinjtë vajzës, të bësh hàsha vëllain a mikun, por për të protestuar kundër qeverisë... të duhet një popull hua!

Shihemi me 10 shkurt!”, shkruan  Zhulali./ CNA





Lajmet e fundit nga