web counter
LEXO PA REKLAMA!

SHKARKO APP

App Store
Google Play

E fundit!

x

"Do përdorim çdo mjet demokratik për të arritur qëllimin kryesor"/ Teliti flet për skenarët e protestave të ardhshme të opozitës

2 Shkurt 2026, 22:31, Aktualitet CNA

"Do përdorim çdo mjet demokratik për të arritur

Nënkryetari i Këshillit Bashkiak të Tiranës nga PD, Dorian Teliti ka folur mbrëmjen e sotme lidhur me skenarët për protestat e opozitës në ditët në vijim.

I ftuar në “Now me Erla Mëhillin” në Euronews Albania, Teliti tha se PD ka si qëllim largimin e qeverisë, krijimin e qeverisë teknikë dhe shkuarjen në zgjedhje të parakohshme. Sipas tij për arritjen e këtyre qëllimeve, do të aplikohet çdo skenar i mundshëm me sfond demokratik.

“PD ka një objektiv, që është largimi i qeverisë aktuale dhe hapja e rrugës së qeverisjes teknike dhe shkuarja në zgjedhje të parakohshme dhe për këtë objektiv do përdoren të gjithë skenarët e mundshëm të cilët janë me sfond demokratik. Gjatë të zhvillimit të protestave do kuptohen dhe skenarët konkretisht, ne jemi të qartë dhe të vendosur në objektivin tonë. Do përdorim çdo mjet demokratik për të arritur atë qëllim ku një prej tyre dhe kryesor është protesta e qëndrueshme, e vazhdueshme”, tha ai.

Teliti foli edhe lidhur me skenarin e ngritjes së çadrës në bulevard.

“Kjo varet nga masiviteti i njerëzve në Bulevard. Sa më tepër masive të jenë protestat dhe të qëndrueshme, aq më e afërt është arritja e objektivit tonë. Ngujimi është një opsion demokratik. Sakrifica e parë duhet të vijë nga drejtuesit që ngujohen”, tha Teliti. /CNA





Lajmet e fundit nga