web counter
LEXO PA REKLAMA!

SHKARKO APP

App Store
Google Play

E fundit!

x

“Territorialja” zbret në Kuvend/ Çfarë pritet të diskutohet në seancën e sotme?

3 Shkurt 2026, 07:53, Aktualitet CNA

“Territorialja” zbret në Kuvend/ Çfarë pritet

Kuvendi i Shqipërisë mblidhet sot në orën 10:00, në seancë plenare. Në rendin e ditës është parashikuar, ndër të tjera, zhvillimi i një interpelance me ministrin e Drejtësisë, z. Besfort Lamallari, kërkuar nga deputeti Tedi Blushi.

Seanca do të nisë me miratimin e procesverbalit të seancës së mëparshme dhe me njoftime, ndërsa më pas deputetët do të shqyrtojnë një sërë projektligjesh që lidhen kryesisht me ratifikimin e marrëveshjeve të financimit me Bashkimin Europian dhe vendet fqinje, për programet e bashkëpunimit ndërkufitar për periudhën 2021–2027.

Në rend dite janë gjithashtu projektligje që parashikojnë ndryshime në legjislacionin për kontrollin e lëndëve narkotike dhe psikotrope, barnat narkotike, mbrojtjen nga diskriminimi, si dhe projektligji për parandalimin e konfliktit të interesave në ushtrimin e funksioneve publike.

Po ashtu, Kuvendi do të shqyrtojë projektvendime për ngritjen e një nënkomisioni për zhvillim të qëndrueshëm dhe për ndryshime në përbërjen e Komisionit të Posaçëm për Reformën Administrativo-Territoriale. Seanca do të mbyllet me diskutime për çështje jashtë rendit të ditës.

Pikat e rendit të ditës

Në mbështetje të nenit 7, pika 6, dhe nenit 27/1 të Rregullores së Kuvendit, bazuar në kalendarin e punimeve të Kuvendit për periudhën 19 janar – 6 shkurt 2026, URDHËROJ:

Mbledhjen e Kuvendit në seancë plenare në datën 3.2.2026, ora 10:00.

Rendi i ditës i seancës plenare është si më poshtë: 1. Miratimi i procesverbalit të seancës plenare të datës 22.1.2026. 2. Njoftime.

 3. Interpelancë me Ministrin e Drejtësisë, z. Besfort Lamallari, kërkuar nga deputeti Tedi Blushi.

4. Projektligji "Për ratifikimin e marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Francës dhe Komisionit Evropian, për programin e bashkëpunimit (Interreg VI-C) Interreg Europe 2021-2027".

5. Projektligji "Për ratifikimin e marrëveshjes ndryshuese nr.1, me shkëmbim letrash, të marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Republikës së Kosovës, përfaqësuar nga Zyra e Kryeministrit, dhe Komisionit Evropian për programin e bashkëpunimit ndërkufitar ShqipëriKosovë, 2021-2027, ratifikuar me ligjin nr. 12/2024".

6. Projektligji "Për ratifikimin e marrëveshjes ndryshuese nr. 1 të rishikuar, me shkëmbim letrash, të marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Malit të Zi dhe Komisionit Evropian për programin IPA të bashkëpunimit ndërkufitar Mali i Zi - Shqipëri 2021–2027, ratifikuar me ligjin nr. 9/2024".

7. Projektligji "Për ratifikimin e marrëveshjes ndryshuese nr. 1, të rishikuar, me shkëmbim letrash, të marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Republikës së Maqedonisë së Veriut, përfaqësuar nga Sekretariati për Çështjet Evropiane, dhe Komisionit Evropian, për programin IPA të bashkëpunimit ndërkufitar Maqedonia e Veriut - Shqipëri, 2021 - 2027, ratifikuar me ligjin nr. 71/2024"

8. Projektligji "Për disa shtesa dhe ndryshime në ligjin nr. 8874, datë 29.3.2002, "Për kontrollin e lëndëve që përdoren për fabrikimin e paligjshëm të lëndëve narkotike dhe psikotrope..

9. Projektligji "Për disa shtesa në ligjin nr. 7975, datë 26.7.1995, "Për barnat narkotike dhe lëndët psikotrope", të ndryshuar.

10. Projektligji "Për disa shtesa dhe ndryshime në ligjin nr. 10 221, datë 4.2.2010, "Për mbrojtjen nga diskriminimi".

11. Projektligji "Për parandalimin e konfliktit të interesave në ushtrimin e funksioneve publike".

12. Projektvendimi "Për ngritjen e Nënkomisionit për Zhvillim të Qëndrueshëm në përbërje të Komisionit të Përhershëm Parlamentar për Burimet Natyrore, Infrastrukturën dhe Zhvillimin e Qëndrueshëm".

13. Projektvendimi "Për ndryshimin e vendimit nr. 75, datë 27.10.2025 "Për ngritjen e Komisionit të Posaçëm për Reformën Administrativo-Territoriale në Republikën e Shqipërisë", i ndryshuar.

14. Diskutime për çështje jashtë rendit të ditës.

III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.

IV. Ky urdhër hyn në fuqi menjëherë./ CNA





Lajmet e fundit nga