web counter
LEXO PA REKLAMA!

SHKARKO APP

E fundit!

x

Plagoset deputeti i PS-së në Lushnjë

1 Mars 2024, 16:09, Aktualitet CNA
Plagoset deputeti i PS-së në Lushnjë
Foto arkiv - Deputeti Bujar Çela

Deputeti i PS-së, Bujar Çela, ka mbetur i plagosur nga ngjarja në Lushnjë, ku ka ndodhur një shpërthim, raporton CNA.

Burime bëjnë me dije se një mjet ka goditur disa tela korenti dhe si pasojë ka ndodhur shpërthimi.

Deputeti i PS-së, i cili ndodhej aty pranë, ka mbetur i plagosur.

Ai është nisur me urgjencë drejt spitalit për të marrë shërbim mjekësor, ndërsa nuk dihet ende si paraqitet gjendja e tij shëndetësore.

Nga ky shpërthim për shkaqe aksidentale, kanë mbetur të plagosur edhe disa persona të tjerë.

Ngjarja u regjistrua në ambientet e një biznesi ku po punohej për ngritjen e një kapanoni. Policia ndodhet në vendngjarje dhe pritet të japë më shumë detaje mbi shpërthimin./ CNA





Lajmet e fundit nga