web counter
LEXO PA REKLAMA!

SHKARKO APP

App Store
Google Play

E fundit!

x

Përmbyllet vizita historike e Kryepiskopit Joan në Patriarkanën Ekumenike të Kostandinopojës

17 Qershor 2025, 17:58, Aktualitet CNA

Përmbyllet vizita historike e Kryepiskopit Joan në Patriarkanën

Ditën e sotme është përmbyllur vizita paqësore e Fortlumturisë së Tij, Kryepiskopit të Tiranës, Durrësit dhe gjithë Shqipërisë, Joanit, në Patriarkanën Ekumenike të Kostandinopojës. Fortlumturia e Tij, Joani në vizitën që ishte në datat 13-17 qershor, shoqërohej nga Mitropoliti i Fierit dhe Apolonisë z. Nikolla dhe të Beratit z. Asti, Hirësinë e Tij Episkopin e Krujës z. Anastas, Protosingjel i Kryepiskopatës së Shenjtë, Protopresviterin Atë Jani Mërkuri, Epitrop Arkieratik i Mitropolitisë së Shenjtë të Gjirokastrës, Kryedhakonin z. Johan Koroveshi dhe z. Andrea Rëmbeci, Profesor i Universitetit të Tiranës dhe Drejtor i Fondacionit “Frymë Dashurie” hynë në Kishën e Shën Gjergjit në Patriarkanën Ekumenike të Kostandinopojës.

Përmbyllet vizita historike e Kryepiskopit Joan në Patriarkanën

Të dielën e 15 qershorit Fortlumturia e Tij, Joani mbajti meshën historike, e gjitha në shqip, përfshirë dhe mesazhin e tij në Kishën e Shën Gjergjit në Patriarkanën Ekumenike të Kostandinopojës.

Përmbyllet vizita historike e Kryepiskopit Joan në Patriarkanën

Kryepiskopi Joan ka qenë bashkëmeshues me Patriarkun Bartolome në një meshë e cila më pas përcolli mesazhet e tyre.

Dita e sotme nisi me një vizitë në dy nga monumentet më të rëndësishme të trashëgimisë bizantine dhe të krishterimit lindor: Shën Sofia, kryekishën madhështore të Perandorisë Bizantine, që përfaqëson dëshminë më të fuqishme të unitetit të besimit, artit dhe fuqisë shpirtërore që ka karakterizuar qytetërimin bizantin; si dhe Manastiri i Shpëtimtarit në Horë, një shembull i jashtëzakonshëm i thellësisë së shprehjes ikonografike dhe përshpirtshmërisë murgjërore, që ka frymëzuar breza të tërë. Këto dy vende mbeten dëshmi të gjalla të trashëgimisë shpirtërore dhe kulturore të krishterimit, të lindur dhe zhvilluar në qytetin e lashtë të Kostandinopojës.

Përmbyllet vizita historike e Kryepiskopit Joan në Patriarkanën

Gjithashtu Komuniteti i Vllangës së Kostandinopojë shtroi një drekë në nder të Fortlumturisë së Tij, në prani të Mitropolitit të Silivrisë, Maksim, Mitropolitit të Kaliupoleos, Stefan, si dhe të klerikëve dhe përfaqësuesve të komunitetit lokal.

Përmbyllet vizita historike e Kryepiskopit Joan në Patriarkanën

Më pas Fortlumturia e Tij, Joani dhe delegacioni që e shoqëronte u përcollën drejt aeroportit nga Mitropoliti i Silivrisë, z. Maksim, Konsulli i Përgjithshëm i Shqipërisë ne Stamboll z. Armand Shandro si edhe përfaqësues të tjerë të Patriarkanës./ CNA





Lajmet e fundit nga