web counter
LEXO PA REKLAMA!

SHKARKO APP

App Store
Google Play

Afera 5D/ GJKKO jep dënimin për “cironkat” e bashkisë

17 Qershor 2025, 13:19, Aktualitet CNA

Afera 5D/ GJKKO jep dënimin për “cironkat” e bashkisë

GJKKO ka dhënë dënimin për "cironkat" e Bashkisë së Tiranës, të përfshirë në aferën 5D.

Ish-drejtorja e përgjithshme e institucionit Tirana Parking, Eglantina Zere dhe katër zyrtarët e tjerë të Bashkisë Tiranë, Rivjola Baxha, Enkelejda Qyta, Bruno Koçi dhe Kristo Zhulati akuzohen për veprën penale “Shkelja e barazisë së pjesëmarrësve në tendera apo ankande publike”.

Eglantina Zere, në cilësinë e titullarit të autoritetit kontraktor “Tirana Parking” institucion në varësi të Bashkisë Tiranë, në bashkëpunim me të pandehurit Enkelejda Qyta, Bruno Koçi dhe Rivjola Baxha, në cilësinë e anëtarëve të Komisionit të Vlerësimit të Ofertave dhe anëtarin e Njësisë së Prokurimit, Kristo Zhulati, kanë krijuar avantazhe dhe privilegje të padrejta për bashkimin e operatorëve ekonomik fitues “V.A.S Konstruksion sh.p.k” dhe “Rroku Guest” sh.p.k, në procedurën e prokurimit me objekt “Rikonstruksion i sheshit të parkimit te Selman Stermasi”, të zhvilluar më 1 tetor të vitit 2019.

Gjykata pranoi kërkesën e SPAK dhe vendosi të njëjtën masë dënimi sa kërkoi dhe prokuroria për  Englantina Zeren e cila është dënuar me 1 vit burg, që në aplikim të gjykimit të shkurtuar reduktohet në 8 muaj heqje lirie.

Ndërsa për 4 të pandehurit e tjerë u kërkua masa e dënimit me 9 muaj burg, që me uljen e 1/3-ës së masës mbetet 6 muaj./ CNA





Lajmet e fundit nga