web counter
LEXO PA REKLAMA!

SHKARKO APP

App Store
Google Play

E fundit!

x

“Përjetësisht i gjallë në memorien time”/ Berisha, fjalë prekëse për ish-Presidentin Nishani

1 Qershor 2022, 11:11, Aktualitet CNA

Kreu i PD-së, Sali Berisha, ka kryer homazhe në nder të ish-Presidentit Bujar Nishani, i cili u nda nga jeta pas betejës me sëmundjen.

Berisha është shprehur se ka humbur jo vetëm një nga bashkëpunëtorët e tij më të çmuar, por edhe një mik, miqësia me të cilin sa vinte dhe forcohej më shumë.

Kryetari i PD-së ka shprehur ngushëllimet për familjarët dhe shqiptarët për humbjen e ish-kreut të shtetit Bujar Nishani.

“Ishte një nga bashkëpunëtorët e mi më të çmuar me të cilin më lidhi jo vetëm bashkëpunimi i ngushtë por edhe një miqësi e përsosur. Një miqësi që nuk njohu asnjëherë asnjë lloj rënie, përkundrazi erdhi gjithnjë në forcim.

Kujtimet për Bujar Nishanin janë të shumta, ai sot nuk është mes nesh fizikisht, por e vërteta është se shpirtërisht ai është përjetësisht i gjallë në memorien time dhe gjithë atyre që patën fatin e madh ta njohin atë si mik dhe bashkëpunëtor, të familjes që pati një bashkëshort dhe prind të tillë.

Ndaj dhe duke ndarë sot dhimbjen dhe zinë me familjen Nishani, miqtë dhe të afërmit e tij shpreh ngushëllimet e mia atyre dhe shqiptarëve që humbën ish-kreun e shtetit, që i dha dinjitet të madh institucionit të Presidencës por dhe mbarë shqiptarëve. I pa harruar do mbetet kujtimi i tij”, tha Berisha./ CNA.al





Lajmet e fundit nga