web counter
LEXO PA REKLAMA!

SHKARKO APP

App Store
Google Play

E fundit!

x

“Njerëzit e inceneratorëve po i bëjnë gropën njëri-tjetrit”/ Artan Hoxha: Adresat e tyre dihen

9 Shkurt 2023, 22:21, Aktualitet CNA
“Njerëzit e inceneratorëve po i bëjnë gropën
Gazetari Artan Hoxha

Ditën e sotme, pas shkrimit të CNA.al, u shpall në kërkim ndërkombëtar Mirel Mërtiri, i cilësuar si “truri” i inceneratorëve.

Për këtë çështje ka folur mbrëmjen e sotme edhe gazetari Artan Hoxha, i cili tha se tashmë dihet adresa e Mirel Mërtirit dhe Stela Gugalljas.

Ai deklaroi se sa më shumë të zgjatet kjo çështje, aq më shumë mundësi i jepet personave të përfshirë në aferën e shekullit për të humbur gjurmët.

"Dihet adresa e të dyve edhe e Mirel Mërtirit edhe e Stela Gugalljas. Është histori që po e zgjasin pafund. Sa më shumë kohë kalon, aq më shumë kohë u jep personave të humbin gjurmët.

Kjo histori po përdoret për luftë të brendshme brenda mazhorancës. Po përdorin këto histori për t’i bërë gropën njëri tjetrit, por e kanë bërë gropën aq të thellë, sa mund të bien të gjithë brenda. Po kapën njërin, nuk e mban ai burgun”, u shpreh ai në emisionin e Ylli Rakipit, teksa u ndal te konfiktli i brendshëm.

Gazetari deklaroi se njerëzit e përfshirë në aferën e inceneratorëve po i bëjnë gropën njëri-tjetrit.

“Uroj t’ju shtohet inati, sepse u bëjnë gropën njëri tjetrit, por kjo histori nuk mbyllet kështu. U përpoqën ta mbajnë nën kontroll zotin Koka që të mbyllet aty zinxhiri. Pastaj çuan Alqi Bllakon dhe e bindën të dorëzohej. E kanë kuptuar që nuk mbaron me kaq dhe po kërkojnë një më të rëndësishëm. Janë një seri vendimesh që janë marrë në Këshillin e Ministrave, kanë firmosur shumë njerëz. Nëse hetohet vërtetë, do të na bëjë shërbim të madh. Minimumi nuk do të paguajmë aq para sa paguajmë, për një shërbim që nuk e marrim”, theksoi Hoxha./ B.A. – CNA.al





Lajmet e fundit nga