web counter
LEXO PA REKLAMA!

SHKARKO APP

App Store
Google Play

E fundit!

x

Teatri Kombëtar shkon në Strasburg/ Gjykata pranon ankimimin për çështjen

9 Shkurt 2023, 20:58, Aktualitet CNA

Teatri Kombëtar shkon në Strasburg/ Gjykata pranon ankimimin për

Çështja e shembjes së Teatrit Kombëtar ka shkuar deri në Gjykatën e Strasburgut.

Këtë lajm e ka bërë të ditur Aleanca për Mbrojtjen e Teatrit Kombëtar, e cila njofton se Gjykata e Strasburgut pranoi ankimimin.

Sipas saj, Gjykata e Strasburgut ka kaluar për gjykim çështjen e mos ekzekutimit të vendimit të Gjykatës Kushtetuese që lidhet me Teatrin Kombëtar.

“Të dashur Qendrestarë, miq dhe mbështetës të Aleancës për Mbrojtjen e Teatrit,

Kemi kënaqësinë t'ju njoftojmë se ndryshe nga Gjykata jonë Kushtetuese e cila nuk pati kurajon të mbroje vendimin e saj dhe të ngrihet në lartësinë e detyrës, Gjykata e Strasburgut ka pranuar kërkesën e Aleancës për Mbrojtjen e Teatrit dhe ka kaluar për gjykim çështjen e mos ekzekutimit të vendimit të Gjykatës Kushtetuese që lidhet me Teatrin Kombëtar.

Ky vendim shënon kulmin e betejës tonë ligjore lidhur me Teatrin Kombëtar.

Jemi më të motivuar se kurrë për ta çuar deri në fund Kauzën tonë,

Teatri aty dhe ashtu siç ishte”, thuhet në njoftimin e Aleancës për Mbrotjen e Teatrit Kombëtar.

Teatri Kombëtar shkon në Strasburg/ Gjykata pranon ankimimin për

Kujtojmë se Teatri Kombëtar u shemb mes rrëmujës dhe debateve, në orët e para të mëngjesit të 17 majit të 2020-ës.

Për këtë çështje u shpreh edhe Gjykata Kushtetuese, e cila rrëzoi ligjin dhe vendimin e qeverisë që i hapën rrugën shembjes së godinës së Teatrit Kombëtar, duke i cilësuar ato si antikushtetuese dhe në cënim të parimit të shtetit të së drejtës.

Konkretisht, Gjykata Kushtetuese shfuqizoi ligjin special nr. 37/2018 dhe vendimin e 8 majit të 2020-ës, që e kaloi Teatrin në pronësinë e Bashkisë së Tiranës./ B.A. – CNA.al

Teatri Kombëtar shkon në Strasburg/ Gjykata pranon ankimimin për





Lajmet e fundit nga