web counter
LEXO PA REKLAMA!

SHKARKO APP

App Store
Google Play

Kërcënimi dhe dhunimi i grupit të “Fiks Fare”/ Presidenti Begaj, thirrje drejtësisë: S’duhet të tolerohet

9 Shkurt 2023, 18:05, Aktualitet CNA
Kërcënimi dhe dhunimi i grupit të “Fiks Fare”/
Presidenti i Republikës, Bajram Begaj

Presidenti i Republikës, Bajram Begaj, ka reaguar pas kërcënimit, sulmit dhe dhunimit të grupit të xhirimit të emisionit “Fiks Fare” në Nikël të Krujës, pasi gazetarët po zhvillonin misionin e tyre për denoncimin e gërryerjes së lumit.

Presidenti Begaj ka shprehur indinjatën për aktin ndaj punonjësve të medias. Gjithashtu Begaj mbështet emisionin “Fiks Fare” për guximin dhe profesionalizmin lidhur me denoncimin e fenomeneve korruptive.

Begaj shkruan se kërcënimi i jetës së gazetarëve nuk duhet të tolerohet, ndërsa u bën thirrje organeve për ndjekjen e rastit në fjalë.

“Mësova me keqardhje për kërcënimin me armë, ndalimin dhe dhunimin e ushtruar ndaj grupit të xhirimit të emisionit “Fiks Fare”, gjatë kryerjes së misionit të tyre hulumtues e denoncues në fshatin Nikël të Krujës. Shpreh indinjatën mbi këtë akt të rëndë të dhunimit të punonjësve të medias, si dhe mbështes emisionin “Fiks Fare” në misionin, guximin dhe profesionalizmin që ka treguar në denoncimin publik të fenomeneve korruptive dhe dukurive që shqetësojnë shoqërinë shqiptare. Inkurajoj organet ligjzbatuese ta ndjekin me përgjegjshmëri të lartë këtë rast flagrant të dhunimit të fjalës së lirë. Kërcënimi i jetës së gazetarëve në ushtrimin e detyrës nuk duhet të tolerohet në një shoqëri demokratike”, shkruan presidenti Begaj./ CNA.al

Kërcënimi dhe dhunimi i grupit të “Fiks Fare”/





Lajmet e fundit nga