web counter
LEXO PA REKLAMA!

SHKARKO APP

App Store
Google Play

E fundit!

x

Gazetarët e “Fiks Fare” u qëlluan me armë, dhunuan e u morën peng/ Policia reagon pas 24 orësh

9 Shkurt 2023, 20:16, Aktualitet CNA

Gazetarët e “Fiks Fare” u qëlluan me armë, dhunuan e

Mbrëmjen e kaluar “Fiks Fare” raportoi se gazetarët e këtij emisioni investigativ ishin qëlluar me armë, marrë peng dhe dhunuar nga disa persona, të cilët gërryenin basenin e lumit Zezë.

Për këtë ngjarje ka reaguar pak gati 24 orësh Drejtoria Vendore e Policisë Durrës, e cila njofton se ka shpallur në kërkim personat që dhunuan gazetarët.

Njoftimi i policisë:

Në lidhje me rastin e transmetuar mbrëmjen e djeshme, në emisionin investigativ “Fiks Fare”, në të cilin shfaqeshin disa shtetas që gërryenin basenin e lumit Zezë dhe merrnin në kundërshtim me ligjin, inerte nga ky lum në fshatin Verjon, Fushë Krujë, si dhe se në bashkëpunim me shtetas të tjerë, u konfliktuan me grupin e xhirimit të këtij emisioni dhe i kërcënuan me armë gjahu, specialistët për Hetimin e Krimeve të Komisariatit të Policisë Krujë, në vijim të veprimeve hetimore, të kryera menjëherë sapo morën njoftim për ngjarjen, shpallën në kërkim shtetasit:

E. K. (drejtuesi i ekskavatorit), G. K., 30 vjeç dhe H. V., 30 vjeç, pasi këta shtetas, në bashkëpunim me njëri-tjetrin, kanë kërcënuar grupin e xhirimit, duke qëlluar me armë gjahu, në basenin e lumit Zezë.

Po në kuadër të veprimeve të  para  hetimore të kryera për këtë rast, janë referuar materialet në Prokurori dhe ka nisur procedimi penal për shtetasit:

A. L. (drejtuesi i kamionit) dhe E. Gj. (drejtuesi i kamionit), për veprat penale “Shpërdorimi i tokës” dhe “Kanosja për shkak të detyrës”. Gjithashtu, këtyre shtetasve iu sekuestruan mjetet e tonazhit të rëndë që përdornin në basen.

Gjithashtu, në vijim të veprimeve procedurale për këtë rast, u referuan materialet në Prokurori dhe nisën hetimet për shtetasit E. B. dhe F. Sh. (punonjës të IKMT-së, Drejtoria Rajonale Durrës), pasi duke qenë përgjegjës për monitorimin e kësaj zone, dyshohet se kanë konsumuar elemente të veprës penale “Shpërdorimi i detyrës”.

Ndërkaq, materialet për këtë rast i kaluan Prokurorisë, për veprime të mëtejshme./ CNA.al





Lajmet e fundit nga