web counter
LEXO PA REKLAMA!

SHKARKO APP

App Store
Google Play

"Një shoqëri kafenesh u ngrit dhe u nxorr në rrugë"/ Kikia liston arritjet e protestës së qytetarëve

19 Qershor 2026, 21:09, Aktualitet CNA

"Një shoqëri kafenesh u ngrit dhe u nxorr në

Analisti dhe gazetari Mentor Kikia ka folur mbrëmjen e sotme lidhur me protestat që po zhvillohen prej 20 ditësh në kryeqytet.

I ftuar në Euronews Albania, ai tha se protesta tashmë është kthyer në një lëvizje shoqërore që sipas tij tejkaloi çdo parashikim.

Ndër të tjera gjatë fjalës së tij, Kikia listoi dhe arritjet e kësaj proteste deri tani, një prej të cilave ishte reagimi i një shoqërie që sipas tij deri dje cilësohej si "shoqëri kafeneje".

"Protesta ka marrë trajtën e një lëvizjeje shoqërore, e cila është më e madhe se një protestë apo reagim qytetar. Të bësh bilancin e kësaj lëvizje është e vështirë sepse e para nuk dihet se në çfarë faze është lëvizja. Por mbi të gjitha ka shkuar përtej çdo parashikimi që mund të ketë pasur çdokush. Nëse do të bëja vetëm një bilanc shumë të ftohtë aritmetik mund të rendis dy ose tre gjëra. Protesta në aspektin mjedisor, për të cilin u fillua ka hipotekuar dy arritje. Presioni që u finalizua me një amendament në rezolutën e Parlamentit Europian. Në aspektin shoqëror, protesta ka arritur më shumë se çfarë mund të kishte parashikuar kushdo. Shkundjen e shoqërisë, ngacmimi i një nervi, pickimi i një shoqërie kafenesh siç e quanim veten dhe nxjerrja në rrugë. Tani në tryezë është politiksa. Të shikojmë sa do jetë në gjendje kjo lëvizje të sjellë ndryshime politike", u shpreh Kikia. /CNA





Lajmet e fundit nga