web counter
LEXO PA REKLAMA!

SHKARKO APP

App Store
Google Play

E fundit!

x

Mohamed Alabbar shuan zërat për portin e Durrësit/ Unë jam aksioneri kryesor i kompanisë “Eagle Hills”

26 Nëntor 2022, 21:22, Aktualitet CNA
Mohamed Alabbar shuan zërat për portin e Durrësit/ Unë jam
Drejtuesi i kompanisë “Emmar”, Mohamed Alabbar

Drejtuesi i kompanisë “Emmar”, Mohamed Alabbar, i është përgjigjur akuzave në lidhje me projektin e portit të Durrësit.

Alabbar tha në emisionin “Review” se i ka ndjekur diskutimet në Kuvend, por deklaroi se akuzat dhe pretendimet e ngritura janë qesharake dhe të pavërteta.

“Nuk është e nevojshme të flas për gjërat që nuk më pëlqyen, megjithatë ka disa gjëra qesharake, disa pretendime të pavërteta, disa deklarata të pavërteta. Megjithatë, unë si tip nuk iu përgjigjem këtyre gjërave që janë të gabuara. Besoj se sot, me teknologjinë mund të mësosh se kush është Mohamed Alabbar, asgjë nuk është e fshehtë”, u shpreh ai.

Përsa i përket kompanisë “Eagles Hills” që pritet të investojë 2.1 miliardë euro për projektin e portit të ri të Durrësit, Alabbar shoi zërat se ka aksionerë serbë apo nga vende të tjera të rajonit.

Drejtuesi i kompanisë “Emmar” theksoi se ai është gjithashtu aksioneri kryesor në kompanisë “Eagles Hills”, ndërsa partnerët e tij janë nga Abu Dhabi.

“Jo, nuk ka aksioner të tillë, unë jam aksioneri kryesor në “Eagle Hills” dhe kam disa partnerë nga Abu Dhabi. Edhe këtë mund ta kontrolloni dhe nuk do të gjeni gjë tjetër, iu premtoj. Në fakt, janë vetëm nga dy vende, nga vendi im, unë si Mohamed Alabbar dhe nga Abu Dhabi. Dua të bëj një deklaratë, se nga dita që filluam dhe deri më sot, asgjë nuk ka ndryshuar”, nënvizoi Alabbar./ B.A. – CNA.al





Lajmet e fundit nga