web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja për Portin e Durrësit/ Nazarko: Ramës unë i puth dorë e këmbë

26 Nëntor 2022, 11:58, Aktualitet CNA
Marrëveshja për Portin e Durrësit/ Nazarko: Ramës unë i
Analisti Shpëtim Nazarko

Analisti Shpëtim Nazarko ka folur mbi projektin e Portit të Durrësit, të cilin analisti e ka konsideruar si një histori karagjozësh pa plan.

I ftuar në "MCN TV", Nazarko është shprehur se lajmi real është se do të ndërtohet porti i jahteve dhe jo i Durrësit.

Sipas Nazarkos, parata janë të shqiptarëve, sepse qeveria nuk i ka dhe nëse Rama bën portin e jahteve, ai thotë se do t’i puthë duar e këmbë.

“Jemi përballë një poshtërsie sepse lajmi real nuk është porti i Durrësit, por ai i jahteve. Reali është ky që do ndërtohet dhe ato para janë të shqiptarëve sepse qeveria nuk i ka. Ajo që duhet të dimë është se ku është porti i Durrësit. Paratë janë të shqiptarëve, qeveria nuk i ka sepse me bërë portin e jahteve Rama unë i puth dorë e këmbë. Deri këtu patjetër që jam me Ramën, por problemi është ku është ai porti që Rama do bëjë, ku do i gjejë Shqipëria 2 mld për të bërë portin. Pra në thelb kjo e gjithë është një histori karagjozësh pa plan. Por dhe nëse bëhet ky port, vetëm një i çmendur mund të mendojë se mund të ketë një port të thatë në Kosovë. Porti i thatë do të thotë të bësh një magazinim të gjërave në Kosovë, dhe nga kjo lindin disa pyetje elementare, nga do venë këto mallra sepse Kosova është e bllokuar, por dhe sikur ta bëjë mos duhet ndonjë hekurudhë? Pra e gjithë kjo skemë që ka ndodhur dje me portin e Durrësit tregon historinë e një klase politike torollake, ky vend e ka të detyruar portin më shumë se gjithçka. Ky port i duhet Shqipërisë dhe e gjithë kjo histori është torollakësh politikë, jo deputetësh, histori karagjozësh që ngrenë dorën dhe dëgjojnë Ramën që reciton pa kuptuar Konicën. Nëse na lënë 30 vjet pa tren dhe mund ta falim, por pa port është një histori që se kuptoj”, është shprehur Nazarko./ CNA.al





Lajmet e fundit nga