web counter
LEXO PA REKLAMA!

SHKARKO APP

App Store
Google Play

‘Bast i rrezikshëm’/ Kalemaj: 5 risqet e protestës së 6 dhjetorit

26 Nëntor 2022, 19:56, Aktualitet CNA
‘Bast i rrezikshëm’/ Kalemaj: 5 risqet e protestës së
Politologu Ilir Kalemaj

Politologu Ilir Kalemaj e ka cilësuar si një bast të rrezikshëm për kryetarin e Partisë Demokratike, Sali Berisha protestën e 6 dhjetorit, që mbahet në të njejtën ditë me samitin BE - Ballkani Perëndimor.

Kalemaj renditi në MCN Tv 5 risqet kryesore që paraqet protesta, duke filluar nga mbështetja e aleatëve, te koha e mobilizimit, frika e qytetarëve nga dhuna, kushtet atmosferike dhe kostot e aktivitetit politik para ndërkombëtarëve.

“Por është bast i rrezikshëm për Berishën. Disa nga aleatët s’janë vënë në dijeni, ose kanë refuzuar të jenë në shesh. Në një kohë kaq të shkurtër do jetë e vështirë një mobilizim i madh që të bëjë efektin e duhur. Një pjesë e qytetarëve mund të frikësohen për shkak të dhunës dhe mund të mos shfaqen. Nuk e dimë si do jenë kushtet atmosferike. Së pesti mund t’i shtosh kosto aktivitetit tënd politik në sy të krerëve të shteteve evropiane që s’kanë mbajtur qëndrim për non grata-n. Janë 5 risqe që ndoshta Berisha i ka kalkuluar, i ka vendosur në peshore. Ndoshta ka menduar që përfitimet janë më të mëdha se risqet, është provë force ndaj gjykatës. Por është e mirëllogaritur nga Berisha 6 dhjetori?”, theksoi ai./ B.A. – CNA. al





Lajmet e fundit nga