web counter
LEXO PA REKLAMA!

SHKARKO APP

"Ministrat e shtetit, zhgënjim"/ Ish-zëvendësministrja e qeverisë flet hapur, veçon vetëm një

12 Janar 2024, 07:47, Aktualitet CNA
"Ministrat e shtetit, zhgënjim"/ Ish-zëvendësministrja
Kabinet qeveritar

Ish-zëvendësministrja e qeverisë “Rama”, Ornela Çuçi, mbërmjen e djeshme dha mendimet e saj në emisionin “Opinion” për ministrat aktualë.

Për Çuçin, ministri më i mirë deri më tani është ministri i Brendshëm, Taulant Balla. Ajo renditi në vend të dytë ministren Belinda Balluku dhe të tretën Elisa Spiropalin.

“Do nis nga më të mirët me Ballën, sepse i ka fort këmbët në politikë. Ministrat e Brendshëm kanë pasur një karakteristikë, sapo kanë ardhur kanë qenë të suksesshëm. Por në fakt i gjithë suksesi i ministrave ka qenë penallti në derën e atyre që kanë ikur. Balluku, e suksesshme, sepse ka ndërlidhur në mënyrë shumë të mirë menaxhimin e fortë të një superministrie, ka qenë dhe shumë e fortë politikisht në zonat ku është caktuar. Do zgjedh Elisën sepse është e vetmja ministre me retorikë të fortë politike pa ministri”.

Ajo theksoi se përveç Spiropalit si ministre shteti pa portofol, të gjithë ministrat e tjerë të shtetit, Ornela Çuçi i konsideron zhgënjim.

“Ndaj ministrat e shtetit do t’i katregorizoja zhgënjim, ministrat e shtetit nuk kanë asgjë. Përveç Spiropalit që ka bërë ndërlidhje shumë të mirë”, u shpreh ajo./CNA 





Lajmet e fundit nga