web counter
LEXO PA REKLAMA!

SHKARKO APP

App Store
Google Play

E fundit!

x

Meta i bashkohet protestës: Përgjegjësia e kryeministrit, të papërgjegjshëm

4 Gusht 2022, 20:06, Aktualitet CNA

Meta i bashkohet protestës: Përgjegjësia e kryeministrit, të

Protestës së qytetarëve për ngjarjen e rëndë të ndodhur në Himarë, i është bashkuar edhe kryetari i Partisë së Lirisë, z.Ilir Meta, i shoqëruar nga djali i tij Besarti.

Kreu i Partisë së Lirisë u shpreh se kjo është një ngjarje e përsëritur, dhe se ministrat përgjegjës duhet të kishin dhënë dorëheqje.

“Vetëm pak kohë më parë dy qytetarë u plagosën në Jalë, në rrethana të ngjashme dhe shumë aksidente të tjera. Asnjë masë nuk është marrë për të zbatuar ligjin, jo vetëm kaq, por edhe cinizmi që thotë mos na e prishni imazhin e vendit me turizmin më të mirë në rajon. Zgjidhja është protesta, dorëheqja e gjithë ministrave përgjegjës dhe kryetarit të bashkisë ku ka ndodhur ngjarja ose shkarkimi i tyre.
Qytetaret duhet të shumëfishojnë vrullin, intensitetin e protestës. Të vrasin frikën dhe të triumfojë liria. Familjet shqiptare janë në gjendjen më të rëndë nga ana ekonomike, nga problemet sociale, sa shumë të rinj të prekur nga fenomeni i drogës.
Të rrisim përgjegjësinë dhe të mblidhemi të gjithë, që kjo situatë papërgjegjshmërie të marrë fund dhe të mbrojmë fëmijët e shqiptareve dhe atdheun nga një klikë e papërgjegjshme”, tha ai.
Mjafton një dorëheqje e Edi Ramës dhe mendoj se çështja është më e thjeshtë, më mirë të kemi një dorëheqje se të kemi tre. Sepse edhe ata të tjerët, aty brenda janë.
Këtu kemi të bëjmë me një bandë, është e qartë. Kjo është ngjarje e përsëritur. Mjafton rasti i të riut Rasha, se si u vra, si mund të vritet një të ri, që shkon e blen cigare. Se si fabrikuan lajmet se ishte me armë”, tha Meta./CNA.al





Lajmet e fundit nga