web counter
LEXO PA REKLAMA!

SHKARKO APP

App Store
Google Play

E fundit!

x

E afërmja e familjes Avdia, në protestë/ “S’ka fjalë për dhimbjen, kryeministri na ka rënduar me deklaratat”

4 Gusht 2022, 19:19, Aktualitet CNA
E afërmja e familjes Avdia, në protestë/ “S’ka
Foto nga vendngjarja

Qindra qytetarë janë mbledhur para Ministrisë së Brendshme për të protestuar për vrasjen e së voglës Jonada në plazhin e Potamit, pasi u përplas nga varka e drejtuar nga komisari Arjan Tase.

Mes protestuesve janë edhe familjarë të 7-vjecares, Jonada.

Vajza e dajës së babait të Jonada Avdisë, ka thënë për mediat se kreu i shtetit e ka rënduar dhimbjen me deklaratat që ka bërë dhe se do i shkojnë kësaj ngjarjeje deri në fund.

“Unë jam familjare, pa e ditur se ishte Jonada mbesa jonë, jam trishtuar pa fund. Është tmerr i vërtetë, është për t'u admiruar forca që kanë gjetur prindërit për të pritur dhe përcjellë njerëz. S’kam fjalë për dhimbjen tonë!

Të ikësh në emigracion e të punosh si Bledari e Ermira dhe të kthehesh herë pas here nga atdhedashuria dhe të merrnin këtë për shpërblim, aq më tepër nga një drejtues policie.

Ai edhe pas incidentit, ka xhiruar nën efekt droge. Nuk dua ta bëj politike, s’është çështje politike sepse mund t'i ndodhë kujtdo. Pas ngjarjes, kam frikë të dal në rrugë me vajzën se e ke në duar dhe vijnë e i marrin jetën, hallat kanë parë të gjithë skenën makabre.

Të respektohet dhimbja që ka pushtuar atë familje, kreu i shtetit e ka rënduar dhimbjen me deklaratat që ka bërë. Jonada është nënshtetase angleze dhe ju siguroj se do e ndjekim deri në fund”, ka thënë Ilirjana Kucana./CNA.al

 





Lajmet e fundit nga