web counter
LEXO PA REKLAMA!

SHKARKO APP

App Store
Google Play

E fundit!

x

Mesazhi i sinqertë i një qytetari dhe propaganda e Edi Ramës

28 Qershor 2026, 14:39, Aktualitet CNA

Mesazhi i sinqertë i një qytetari dhe propaganda e Edi Ramës

Deputeti i PD-së, Belind Këlliçi ka bërë një reagim në rrjetet sociale lidhur me deklaratat e kryeministrit Edi Rama në podcastin e tij.

Këlliçi shkruan se Rama përdori hallin e një qytetari për të sulmuar protestën dhe ata dhjetëra mijëra të rinj që kanë mbushur sheshin kundër qeverisë.

Deputeti shton më tej se kryeministri përveçse i keqpërdor besimin qytetarit, e gjen fajin kudo për hallet që kanë njerëzit, përveçse tek vetja e tij.

Postimi i plotë:

Mesazhi i sinqertë i një qytetari dhe propaganda e Edi Ramës!

Edi Rama përdori hallin e një qytetari sot për të sulmuar protestën dhe ata dhjetra mijra të rinj e të reja, gjimnazistë, studentë, familjarë, profesionistë, burra e gra që kanë mbushur sheshin në revoltë kundër korrupsionit dhe arrogancës së qeverisë.

Përveçse i keqpërdor besimin, duke i nxjerrë në publik për interesin e tij, një mesazh që qytetari i ka dërguar në celular, Edi Rama edhe në këtë rast e gjen fajin ngado për hallet që kanë njerëzit, përveçse tek vetja e tij.

Mesazhdërguesi ka 6 vite me shtëpinë e dëmtuar nga tërmeti. Ai, bashkë me 12 familje të tjera, në një lagje diku pas Ministrisë së Jashtme. 6 vite enden nga një zyrë në tjetrën dhe nuk marrin as zgjidhje, as shpjegim se si do shkojë puna e tyre. Ata duket se tani janë gati ta ndërtojnë vetë pallatin, vetëm të kenë një leje. Por leje nuk u jep njeri.

Në këto kushte, në këtë sorollatje rraskapitëse, mesazhdërguesi thotë se bashkë me 12 familjet e tjera i janë bashkuar protestës.

Në abuzimin që bëri sot me këtë letër, Edi Rama tregoi se nuk e ka fare në refene hallin e këtij banori të Tiranës. As të 12 familjeve të tjera.

Ai ka shqetësim pse ata i janë bashkuar sheshit.

Ka merak se mos i lëkundët pushteti, karrigja e tij. I ka torturuar ai dhe administrata e tij, arroganca dhe korrupsioni i zyrave të tij për 6 vite, por Edi Rama u kërkon sërish kohë që të merret me këtë punë.

Banori pa shtëpi sigurisht nuk do ta zgjidhë problemin që ka në atë shesh. Por ai, në atë shesh do të gjejë drejtësi për arrogancën, paaftësinë dhe korrupsionin e qeverisjes së Edi Ramës, drejtësi për zvarritjen dhe talljen 6 vjeçare. Dhe kjo nuk është pak.

Tani Edi Rama që nuk i është përgjigjur në 6 vite, i thotë qytetarit që të mos kërkojë as drejtësi. I kërkon të mos ngrejë zërin. I kërkon të mos protestojë. I kërkon të mos vërë në rrezik pushtetin e tij.

Çfarë turpi! /CNA





Lajmet e fundit nga