web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni i SPAK-ut dhe Antimafias/ Gazetari: Ja si u zbardh skema se si funksiononin grupet kriminale

23 Maj 2025, 09:45, Aktualitet CNA

Megaoperacioni i SPAK-ut dhe Antimafias/ Gazetari: Ja si u zbardh skema se si

Gazetari Xhevahir Zhabina ka dhënë detaje në lidhje me megaoperacionin e SPAK-ut dhe antimafias italiane për goditjen e një grupi të fuqishëm kriminal me bazë në Durrës.

I ftuar në "MCN TV", Zhabina theksoi se baza e hetimit kanë qenë komunikimet e dala nga SKY ECC dhe dy të penduarve të drejtësisë në Itali.

Sipas tij ata kanë dhënë detaje më të rëndësishme dhe kanë zbardhur skemën se si funksiononin grupet.

"Baza e hetimit janë komunikimet në SKY ECC dhe dy të penduarve në Itali. Nuk është se Nuredin Dumani ka dhënë shumë detaje të rëndësishme, në krahasim më të penduarit në Itali. Ndihmën më të madhe e kanë dhënë dëshmitarët e drejtësisë në Itali.

Mendoj se të penduarit në Itali kanë dhënë detajet më të rëndësishme, kanë zbardhur skemën se si funksiononin grupet.

I gjithë ky trafik bëhej me bekimin e mafias italiane, të paktën kështu thotë i penduari italian. Një nga drejtuesit e klanit mafioz në Itali është edhe i penduar.

Edhe dëshmia e Nuredin Dumani ka rëndësi sepse ka përmendur Doçin dhe Troplinin.

Mafia italiane i shihte të rëndësishme këto grupe shqiptare. E para ka të bëjë që grupet shqiptare e dërgonin drogën në Bari me çmim më të ulët sesa gjithë të tjerët.

E dyta, grupet shqiptare bënin disa punë për grupet italiane që ata nuk donin vetë t'i bënin. Por, duhet thënë që baza ishte Shqipëria, kontaktet më të rëndësishme i kishin shqiptarët. Personi i kontaktit në Roterdam ishte shqiptar.

Kanë qenë grupe autonome, të cilat punonin me njëri-tjetrin dhe qëllimi ishte i përbashkët, paratë t'i sillnin në Shqipëri", tha Zhabina./ CNA





Lajmet e fundit nga